Usa ka lalake nga multicab driver ang mipatala sa iyang sumbong dinhi sa stasyong dyrd human nabiktima sa gi-ingong duha ka sakop sa budol-budol gang.
Mar 4th, 2015 by Latest News
MARCH 04 / Lokal News / Allen D.
Usa ka lalake nga multicab driver ang mipatala sa iyang sumbong dinhi sa stasyong dyrd human nabiktima sa gi-ingong duha ka sakop sa budol-budol gang.
Ang biktima nagpaila nga usa ka Gerry Balyes 32 anyos ug residente sa Barangay Yanangan lungsod sa Loay.
Suma sa biktima nga kagahapong adlawa pasado alas 11 sa buntag nahitabo ang pagpamiktima kaniya.
Iyang gi-asoy nga dunay usa ka lalake ang mi-duol kaniya samtang nag standby siya kilid sa city square ug adunay gipangutana kaniya ang maong suspek apan wala siya nakatubag, samtang kalit usab nga dunay milabay nga usa ka lalake nga gipangutana sa suspek ug gitudlo kung asa makita ang gipangita sa suspek.
Matud sa biktima nga mihangyo kaniya ang suspek nga mag-pa uban kay suma pa dili suhito ang suspek sa mga lugar dinhi sa syudad kay kono taga zamboanga man kini.
Sa dihang pag-abot nila sa usa ka dapit, nagpasalamat ang suspek kaniya ug sa kakunsabo tungod sa pagtabang nila, ug mi-ingon ang suspek nga mohatag ug kwarta isip pasalamat ug gitunol sa suspek ang baga nga putos sa panyo nga pag-tuo sa biktima kwarta.
Apan gi-ingnan ang biktima ug ang kakunsabo nga kuhaon una ang mga gamit niini ug dali usab nga gihatag sa biktima ang iyang mga gamit lakip na ang iyang pitaka nga dunay sulod nga salaping cash ATM card drivers license ug mga importanteng papeles .
Gi-saaran siya nga balikan apan dangtan ug usa ka oras wala nay mibalik kaniya ug sa dihang pag-abli niya sa panyo nga gihatag sa suspek iyang nasayran nga karton lang diay ang sulod ug dili kwarta ug nasayran nalang niini nga nailad na diay siya sa gi-ingong budol-budol gang, hinungdan nga ang biktima mipatala nalang ug sumbong ngadto sa buhatan sa kapulisan ning dakbayan.
Link back to: Live Radio Recorded Broadcast Hot Topics
