By Cil Remolador
SAGBAYAN – Patay ang amahan ug anak human kini gipusil sa wa mailhing gikatahapan . Ang mga biktima gipaila sa kapolisan nga Eutemio A. Moñez 43 anyos ug anak niining babaye nga si Flora Mae A. Moñez 14 anyos tinun-an sa ikaduhang ang-ang sa High school pulos taga Poblacion , Catigbian .
Nahitabo ang maong insidente mga alas 5:45 sa buntag adlawng sabado Pebrero 28 , 2015 sa barangay Sta. Catalina , Sagbayan . Matud pa ang mga biktima gikan sa lungsod sa Sagbayan ug paingon na unta mopauli paingon sa lungsod sa Catigbian .
Matud pa nahagba ang gimanehong motorsiklo sa biktima sa dihang gibabagan ug sanga sa kahoy ang kalsada ug gipusil kini mga biktima . Nakaangkon ug pinusilan sa dughan , ampapangig ug too nga duinggan ang amahan samtang ang anak nga babaye nakaangkon ug duha ka pinusilan sa dughan ug usa sa ampapangig .
Gikataho nga nawagtang usab ang P60 kalibo ka pesos sa mga biktima . ( 28 0545hfeb.sat. )
PANGLAO – Patay nga nahidangat sa tambalanan ning siyudad ang 35 anyos nga babaye human makaangkon ug duha ka pinusilan sa o gamit ang kalibre .38 nga rebolber . Ang biktima giila sa kapolisan nga Chona Miñoza lumad nga taga Talamban , siyudad sa Sugbu .
Matud pa nga gikalalis sa biktima ang kapuyo niini nga nailhang Sotero Monares Jamili 33 anyos lumad nga taga Balatacan , siyudad sa Tangub .
Pangabugho ang motivo sa maong pagpamusil patay . ( 28 0800hfeb.sat. )
INABANGA – Malamposong nasigmit sa kapolisan sa Inabanga ang 63 anyos nga lola sa gipahigayong buy-bust operation mga alas 2:30 sa hapon adlawng biernes Pebrero 27 , 2015 sa barangay Lawis , Inabanga .
Ang maong lola gipaila sa kapolisan Felicisima A. Ocarol lumad nga taga barangay Pasil siyudad sa Sugbu ug kasamtangan nang nanimuyo sa barangay Lawis , Inabanga .
Positibong napalitan ug usa ka médium size nga gidudahang shabu ang maong lola kantidad sa P500 ka pesos . Sa dugang mga pakisusi nakuha sa kapolisan ang lain pang pito ka médium size nga putos sa gidudahan usab nga drugas nga gibutang sa iyang shoulder bag . Kasamtangan karon nga gikustodiya sa buhatan sa kapolisan sa Inabanga ang maong lola . ( 27 1430hfeb.fri. )
Gironda sa kapolisan sa Inabanga nga gipangunahan ni Police Insp. Sam Garcia Dacullo ang panimay sa gikatahapang tigpayuhot sa ginadili nga drugas nga giilang Eduardo Golosino Jr. sa barangay Luyo , Inabanga mga alas 4:35 sa hapon adlawng viernes Pebrero 27 , 2015 .
Napalgan sa kapolisan atol sa ronda duha ka gagmayng putos sa gidudahang shabu ug tulo ka laing médium size nga idudahang shabu lakip ang usa ka armas de fuego sa wapa matino nga kalibre . Napaslak na sud sa selda sa Inabanga ang maong suspetsado .
DAUIS – Gironda sa hiniusang bahan sa kapolisan sa Dauis ug mga sakop sa Provincial Intelligence Branch nga gipangunahan ni Police Senior Insp. Ceasar V. Acompañado ang panimay sa gikatahapang tigpayuhot sa ginadili nga drugas nga giilang Virgilio G. Actub 61 anyos usa ka barangay tanod nga taga purok 6 barangay Totolan , Dauis mga alas 7:30 sa buntag adlawng biernes Pebrero 27 , 2015 .
Nahipos sa kapolisan atol sa ronda ang pito ka gagmayng putos sa gidudahang shabu nga gibanabanang mokantidad sa P3 kalibo ka pesos . Lakip napalgan ang ubay-ubay nga mga kahimanan sa ginadili nga drugas . ( 27 0830hfeb.fri. )
BIEN UNIDO – Nasikop sa gipahigayong buy-bust operation sa kapolisan sa Bien Unido ang 21 anyos nga ulitawo nga giilang Joven P. Alcotin @ “bentot” molupyo sa barangay Mandawa , Bien Unido mga alas 10:45 sa gabii sa milabayng hueves pebrero 26 , 2015 .
Napalitan ug usa ka gamayng putos sa gidudahang drugas ang maong suspetsado kantidad sa P300 ka pesos . Nakuha usab gikan sa maong gikatahapan ang Suzuki raider nga motorsiklo nga maoy gigamit sa ilegal nga negosyo . ( 26 2245feb.thurs. )
TALIBON – Nahilandig sa tambalanan ning siyudad sa Tagbilaran ang usa ka lalaki nga nailhang Jose Norwan C. Borja 34 anyos nga taga barangay sitio Sto. Niño barangay Magsaysay , Talibon human kini gipusil sa wa mailhing gikatahapan mga alas biernes Pebrero 27 , 2015 .
Sa taho nasayran nga kining biktima kauban ang pipila ka mga higala naga lingcod kini sa usa ka bangko didto sa may sitio Katong Magsaysay , Talibon apan kalit nahidangat ang wa mailhing gikatahapan ug sa wa hisayring hinungdan gipusil ang biktima ug daling misibat ang wa mailhing suspetsado . Nakaangkon ug pinusilan sa too nga dughan ang maong biktima hinungdan sa pagkalandig niini sa tambalanan ning siyudad .
Padayon pang gisusi sa kapolisan sa Talibon ang motibo sa maong pagpamusil . ( 27 2000hfeb.fri. )
Link back to: Live Radio Recorded Broadcast Hot Topics