REPORT FROM WELI MAESTRADO – MAY 7, 2015
May 7th, 2015 by Latest News
MAY 7,’15
WELI M.
MGA GUARDIA SA MGA DAGKONG ESTABLISAMENTO ANG GI DEPUTIZED SA SYUDAD ARON MO TABANG SA PAG BANTAY SA PROBLIMA SA TRAFICO.
USA KA –seminar workshop ang gipa higayun kagahapon sa mga sakop sa City Traffic Management Office para sa mga guardia sa mga dagkong establisamento dinhi ug kini gi himo aron ang mga guardia maka tabang sa pag bantay sa problima sa trafico.
Matud ni Jeremy Mero ang City Traffic Supervisor nga nahinabi sa DYRD balita kadtong mga guardia nga maka kuha sa certificate sa maong seminar awtomatik kini nga ilahang gi deputized para maka isyu ug Citation Ticket sa syudad.
Ang City Traffic Management Office gi labot niini ang mga guardia nga ilahang i- deputized tungod kay susama sa mga guardia diha sa mga dagkong mall, dili tuhuan sa mga magpabadlung nga mga driver ilabi sa mga driver sa tricycle.
Samtang karong adlawa ang mga gipang hire nga mga nuybenta ka traffic enforcer dinhi sa syudad , seminaron usab sa pag duma sa dagan sa trafico.
MAY 7,’15
WELI M.
NAKA CHECK IN SA NASUNOGAN NGA JJ’S DEMSUM NAKUHA AN UG MGA KAGAMITAN SA PAG SUYOP SA DRUGAS NGA SHABU GI BUHIAN.
BATAN-ON – nga naka check in sa nasunugan nga JJ’S Demsum nga nakuha-an ug mga kagamitan sa pag suyop sa ginadiling drugas gi buhian, human nga positibo mi angkon nga ang maong lugar gi gamit niya nga suyupanan.
Ang maong batan-on gipa ila sa kapolisan nga usa ka Mark Joseph Abuyabor-22 anyos ulitaw ug lumad nga mo lupyo sa lungsod sa Jetafe, nga namahayag nga ika upat na niya ka gabii nag estar sa maong balay pahulayan.
Sa pag ulbo sa sunog sa maong establisamento kagahapon sa buntag, naka check in siya room 5, nga kalit niya nabatian ang syagit nga sunog, hinungdan nga dali siya nga mi ekyas, ug naka limtan niya ang gi hikyad nga mga kagamitan sa pag suyop sa drugas nga shabu sa lamesa.
Ang kabomberuhan nga mi responde sa maong sunog, maoy naka kita sa mga kagamitan sa pag suyop sa drugas sulod sa maong kuarto, hinungdan nga gipa susi sa kapolisan sa Intelligence Section ang dapit pero wa nay mga giingong drugas,
Hinuon aminado ang maong batan-on nga gi gamit niya ang maong lugar nga suyupanan sa drugas nga shabu.
Link back to: Live Radio Recorded Broadcast Hot Topics