REPORT FROM WELI MAESTRADO – MARCH 18, 2015
Mar 19th, 2015 by Latest News
MAR.18,’15
WELI M.
CONGRESSMAN RENE RELAMPAGOS MI GAHIN UG PUNDO NGA TULO KA MILYON KA PESOS PARA SA PAG TUKOD UG MULTI PURPOSE HALL SA BARANGAY BOOL.
NASUPRISA – ang council sa barangay Bool sa pagka hibaw nga si 1st District Congressman Rene Relampagos mi gahin ug pundo para sa pag tukod ug Multi- Purpose Hall para sa maong barangay.
Nasayran nga ang barangay Bool nag plano kaniadto nga kompunihon ang daang barangay hall tungod sa kada-an na niini ug ka gamay sa maong lugar i-kompara sa ubang barangay hall dinhi sa syudad .
Pero hilom ang congresista ug wa kini mag saba nga nahidangat diay sa iyang buhatan ang maong panginahanglanon sa maong barangay.
Niadtong wa pa ang Joint Session sa Sangguniang Panlungsod ug Barangay sa Bool ang Department of Public Work’s and Highways (DPWH) mipa hibaw sa kapitan sa maong barangay nga adunay tulo ka milyon ka pesos nga pundo gikan sa General Appropriation Fund ni congressman Relampagos para sa maong katukuran.
Mao nga si City Vice Mayor Jose Antonio “Toto’ Veloso atol sa Joint Session nga gipa higayun sa barangay Bool nangutana sa congresista mahitungod sa maong pundo, ug nasayran nga bisan ug giwa ang PDAF.
Ang barangay Bool tungod kay duol kini sa iyang dughan,gi pili nga maoy matigaan sa maong pundo nga gikan sa iyang General Appropriation Fund bisan ug wa mangayo niya ang council sa Bool.
MAR 18,’15
WELI M.
MAYOR SA DAKBAYAN MIPA SIDUNGOG SA KAPOLISAN SA CAMP DAGOHOY SA PAG TABANG SA SYUDAD NGA MA MENTINAR ANG KAHAPSAY UG KALINAW ATOL SA PAG SUBO SA BAG-ONG NAHUMAN NGA POLICE WOMEN’S QUARTER.
GIPASIDUNGAN – ni Tagbilaran City Mayor John Geesnell’ Baba’ Yap ang kababayn-an pulis diha sa Camp Dagohoy atol sa pag subo sa ilang gi tukod nga Police Women’s Quarter diin ang kagamhanan sa syudad naka tampo alang sa maong katukuran sa maong edipisyo.
Si City Administrator Edie Borja ang mi representar sa mayor kay matud pa adunay opisyal nga gi lakaw didto sa kauluhan ang mayor ug atol sa kalihukan kagahapon gipa hayag sa City Administrator nga ang mayor nagpadangat sa iyang pagpasidungog sa kapolisan sa Camp Dagohoy nga gipangunahan ni Provincial Director Police Senior Superintendent Dennis Agustine kay naka tabang kini ug dako sa syudad aron ma mentinar ang kahapsay ug kalinaw ilabi na sa pag sumpo sa mga kadaiyang kreminalidad nga nahitabo dinhi.
Ang kalihukan sa pag subo sa Women’s Quarter gi tumong ug gipa haom kini sa gi celebrar karong buwana nga mao ang Women’s Month,nga diha mi tambong ang bag ong napili sa gi himo nga Search for Mr. International 2015 nga si PO2 Mariano Flormata Jr, sakop sa PNP Aviation Security Group dinhi.
MAR 18,’15
WELI M.
KASO NGA PAGPAYUHOT UG ILLEGAL NGA DRUGAS ANG PORMAL NGA GIPA SAKA SA PISKALIYA BATOK SA GIKATAHAPAN NGA NASIKOP SA BUY BUST OPERATION NIADTONG SABADO SA LUNGSOD SA CORTES.
MAG ATUBANG – ug kaso nga pagpayuhot ug ginadiling drugas nga shabu ang gikatahapan nga nasikop sa buy bust operation sa kapolisan sa Provincial Intelligence Branch ug kapolisan sa Cortes niadtong sabado.
Ang gikatahapan gipa ila usa ka Joel Cajam nga mo lupyo sa barangay Poblacion sa lungsod sa Cortes nga ang gikatahapan napa litan ug usa ka putos nga drugas nga shabu kantidad ug P500 pesos ug nakuha an ug laing duha ka putos gikan sa iyang posisyun.
Mo kabat ug mo timbang ngadto sa 0.09 ka gramo ang nakuha nga tulo ka putos atol sa maong buy bust operation.
Matud ni Police Senior Inspector Jojit Mananquil team leader sa maong buy bust operation ang gikatahapan anaa sa watch list sa kapolisan sa Camp Crame nga tigpayuhot ug illegal nga drugas sa maong lungsod.
Ang maong kaso anaa na sa provincial fiscal ug gipa abot nalang sa gikatahapan ang pag dungog sa kurte sa maong kaso.
Link back to: Live Radio Recorded Broadcast Hot Topics
