REPORT FROM CITY HALL – MAY 7, 2015
May 7th, 2015 by Latest News
BUOT MOPATIMBAYA ANG KINATIBUK-ANG PANGGAMHANANG LOKAL SA DAKBAYAN NGADTO SA MGA MANANAOG SA GIPAHIGAYON NGA 2ND MAYOR “BABA” YAP TENNIS CUP 2015. MATOD PA NI CITY SPORTS COORDINATOR ROEL SARMINETO, MAO KINI ANG MGA MANANAOG: ALANG SA SINGLES OPEN CHAMPION MAO SI JOHNNY ARCILLA UG ANG RUNNER UP- MICHAEL MANLANGIT; PARA SA CLASS “B” DOUBLES ANG CHAMPION MAO SILA GERRY MANLANGIT UG NOYNOY BALO, SAMTANG ANG RUNNER UP MAO SILA ZACARIAS CASTRO II UG MARK LOUIE CASTRO; SA CLASS C DOUBLES CHAMPION SILA YOLER CHUA UG JANJAN LOPEZ SAMTANG RUNNER UP SILA DODONG DE LEON OG PEDRO OCHAVILLO; SA CLASS C DOUBLES NGA 45 YEARS OLD AND ABOVE, ANG KAMPEON SILA ARCH. RAUL ROMO UG POLICARPIO GALAN UG ANG RUNNER UP SILA NELSON CASTRO UG NOLI CARDINO. USA KINI SA MAS GIPALAPDAN NGA TINGUHA SA ADMINISTRASYON NI MAYOR JOHN GEESNELL “BABA” YAP NGA MAMAHILIG ANG KATAWHAN SA PAUGNAT SA KUSOG.
SAMTANG, PADAYON GIHAPON ANG PAKIG-ALAYON SA U.S.A.I.D. KON UNITED STATES AGENCY FOR INTERNATIONAL DEVELOPMENT TALI SA DAKBAYAN SA TAGBILARAN DIIN DUNAY MGA GIHIMONG MGA LAKANG UG PLANO ANG MAONG AHENSIYA ALANG SA PAG-UGMAD SA DAKBAYAN SA TAGBILARAN, KANIADTONG ADLAWNG LUNES, PETSA 4 SA MAYO, 2015. KINI USA KA IMPORTANTENG ADBOKASIYA SULOD SA ADMINISTRASYON NI MAYOR JOHN GEESNELL “BABA” YAP ARON MATAGAAN UG GIMBUG-ATON ANG TURISMO DINHI SA TAGBILARAN OG NGADTO SA TIBUOK KALIBUTAN.
Link back to: Live Radio Recorded Broadcast Hot Topics