REPORT FROM CITY HALL – MARCH 20, 2015
Mar 19th, 2015 by Latest News
NEWS BRIEFS FOR MARCH 20, 2015
GIPASIUGDAHAN SA U.S.A.I.D. OG PANGGAMHANANG LOKAL SA DAKBAYAN ANG USA KA WORKSHOP KABAHIN SA CULTURAL MAPPING AND ARCHITECTURAL DOCUMENTATION ALANG SA SYUDAD SA TAGBILARAN. GISUGDAN KINI SA PETSA 19 SA MARSO 2015 HANGTOD ADLAWNG SABADO, PETSA 21 NGADTO SA BOHOL TROPICS. LAKIP SA MGA PAGAHISGUTAN ANG CULTURAL HERITAGE OG HERITAGE TOURISM OG UBAN PANG MGA MATANG NGA MAKATABANG SA CULTURAL MAPPING.
SAMTANG, PADAYON NGA GITUTUKAN ANG TRAPIKO DINHI SA DAKBAYAN SA TAGBILARAN. KINI PINAAGI SA MGA TIGUM NGA GIPASIUGDA SA CTMB KON CITY TRAFFIC MANAGEMENT BOARD DIIN PADAYONG GILIHOK ANG TRAFFIC CODE OG MGA ORDINANSA NGA ANGAY NANG PAGA-AMMENDARON, KAY BUOT NI MAYOR JOHN GEESNELL “BABA” YAP NGA HANOY NA ANG PAGPADAGAN SA MGA BALAOD ILABI NA SA PAGPATUMAN SA HAPSAY NGA DAGAN SA TRAPIKO.
SUBAY SA KASAULOGAN SA SAULOG TAGBILARAN 2015, PAGAHIMOON ANG DRAGON BOAT COMPETITION ADTO SA K OF C PROMENADE SA MAY ALAS SAIS SA BUNTAG KARONG SABADO PETSA 21 SA MARSO 2015. PAGASALMOTAN KINI SA MGA BARANGAY SA DAKBAYAN DIIN MAMAHIMONG MAS SADYA ANG MAONG DRAGON BOAT COMPETITION 2015.
Link back to: Live Radio Recorded Broadcast Hot Topics
