REPORT FROM ALLEN DOYDORA – MARCH 27, 2015
Mar 27th, 2015 by Latest News
March 27/ Local News / Allen D.
Sugdan na sa sunod semana sa land transportation office LTO dinhi sa syudad ang srtiktong pag-implementar sa “no registration, no travel” policy.
Matud ni LTO registrar Erwin Patalinghug nga aduna nay gipaguwa nga Memorandum Circular No. AVT-2015-1927 ug pinitsahan niadtong marso 20, 2015 nga giluwatan sa LTO Assistant Secretary Alfonso Tan, Jr kabahin sa hugot nga pag-implementar sa maong polisiya sugod sa abril 1.
Subay niini matud ni patalinghug nga sugod sunod semana wala nay gitugutang sakyanan nga makabiyahe kung wala nagtangag ug lisensyadong plaka.
Apan gipasabot ni patalinghug nga kon ugaling walay lisensyadong plaka kinahanglan matud pa nga adunay ipakita nga Certificate of Registration ug Official Receipt sa sakyanan.
Samtang giklaro usab ni patalinghug nga gi-did an sa pagbiyahe ang mga sakyanan nga wala pa narehistro sanglit dakong penalty ang ipahamtang kung masakpan diha sa kadalanan.
March 27/ Local News / Allen D.
Nag-padayon ang Department of Trade and Industry kon DTI dinhi sa probinsya sa hugot nga pag-monitor sa tanang mga negosyante nga nagapamaligya ug mga substandard nga construction material.
Matud sa DTI nga mokabat na sa 258,326 ka pesos nga kantidad sa mga substandard nga construction material ang nakumpiska sa buhatan gikan sa mga tindahan dinhi sa dakbayan sa tagbilaran lakip na didto sa lungsod sa tubigon sulod sa ilang hugot nga pagmonitor karong tuiga.
Gibutyag sa DTI nga aduna nay gipang-isyuhan ug notice of violation ngadto sa mga tindahan nga nag-baligya ug mga substandard, apan wa hinoon gibutyag sa buhatan ang mga tindahan nga malapason.
Una nang nag-pahimangno si DTI Regional Director Aster Caberte ngadto sa publiko ilabi na sa matag LGU nga padayon ang pag-ayo sa mga nangadaut nga bahin niadtong milabyang linog nga likayan ang pagpalit ug mga substandard nga constraction material aron dili mabutang sa risgo ang kahimtang sa kinabag-an.
March 27/ Local News / Allen D.
Mikabat sa 15 ka mga timbangan ang nakumpiska sa mga otoridad gikan sa economic business enterprises EBE kabahin sa pagpadayon sa pag-minotor sa mga negosyante sa kamerkaduhan nga padayon nanikas sa paggamit sa ilang mga timbangan.
Matud ni Pedrinio Besa labaw sa EBE nga niadtong adlawng myerkules gipahigayon ang pag-susi sa mga timbangan sa manga public market diin napamatud-an nga ubay-ubay nga negosyante ang nanikas sa ilang mga timbangan ug 15 ka buok ang ilang gipangkumpiska.
Una nang gi-tahu ni besa nga base sa iyang nadawat nga report nga ang merkado publiko sa manga maoy daghang mga negosyante nga manikas sa ilang timbangan.
Gawas sa pag-susi gihimo usab sa EBE ang pag-silyo sa mga timbangan aron nga dili na makapanikas ang mga mamaligyaay ngadto sa mga konsumedor.
Samtang gi-awhag usab ni besa ang publiko nga doblehin nila ang pag-susi sa ilang gipamalit pinaagi sa paggamit sa mga timbangan ng bayan nga gipahiluna sa mga kamerkaduhan aron masiguro nga dili sila alkanse sa ilang mga gipamalit.
Unang gi-pahigayon ang pag-susi sa mga timbangan karong tuiga diha sa central public market nga gihimo niadtong petsa 20 ning bulana diin adunay usa ka timbangan ang ilang nakumpiska.
March 27 / Local News / Allen D.
Gipahigayon kagahapong adlawa ang preliminary investigation diha sa City Prosecutors Office kabahin sa kasong murder nga gi-atubang ni Geovanie Orenia nga maoy suspek sa pag-pusil patay kang engr. Maurito lim kon chairman mao niadtong pebrero 14 ning tuiga.
Matud pa kang PCI Jacinto Mandal Jr. hepe sa investigation section sa Tagbilaran city pnp atol sa pakighinabi sa dyrd balita nga mi-inhibit ang kampo ni orenia atol sa preliminary investigation kagahapong adlawa.
Uban ni orenia ang iyang legal council nga si Atty. Carlo Brian Carandang.
Samtang mitambong usab ang mga testigo sa maong kaso.
Subay niini dako ang pag-tuo ni mandal nga mosaka sa court level ang kaso sanglit suma niya nga lig-on ang mga ebedendya nga ilang napresenta kagahapong adlawa atol sa preliminary investigation.
Link back to: Live Radio Recorded Broadcast Hot Topics
Hurrah! In the end I got a web site from where I can in fact take valuable informatiuon regarding my
study and knowledge.