REPORT FROM ALLEN DOYDORA – MARCH 26, 2015
Mar 27th, 2015 by Latest News
March 26 / Local News / Allen D.
Giangkon ni Leo Bongalos OIC sa Bureau of Fisheries and Aquatic Resources kon BFAR nga nameligro karon ang kahimtang sa mga fishpond dinhi sa probinsya gumikan sa kainit sa panahon.
Suma ni bongalos atol sa pakighinabi sa dyrd balita nga naapektuhan ug maayo ang mga fishpond sa kainit sa klima karon.
Gipasabot sa opisyal nga hinay ang tubo sa mga isda isda diha sa mga fishpond kung hilabihan ang kainit sa panahon.
Matud niya nga halos tanang mga fishpond dinhi ang apektado sa maong sitwasyon ilabi na kadtong mga fishpond nga wala misubay sa saktong gilawmon.
Kinahanglan matud pa nga dili mo ubos sa usa ka metro ang dike sa fishpond ug kinahanglang maka pondo ug 0.5 ka metro sa tubig.
Hinoon gibutyag ni bongalos nga walay nakaabot sa ilang buhatan nga dunay isda sa mga fishpond nga nangamatay gumikan sa kainit sa panahon.
March 26 / Local News / Allen D.
Karong adlawa gikatakdang himoon ang preliminary investigation ngadto kang Geovanie Orenia kinsa moay suspek sa pagpusil patay kang Engr. Maurito Lim kon chairman mao niatong pebrero 14 ning tuiga.
Himoon ang preliminary investigation kang orenia diha sa city prosecutors office ubos sa sala ni city prosecutor Ricarda Parras Matuod.
Atol sa maong hearing gikatakdang mo-duso sa iyang counter affidavit sa kasong murder si orenia pinaagi sa iyang abogado nga si Atty. Carlo Brian Carandang.
Una nang gipadayag ni atty. Carandang nga buot limpyuhan ni orenia ang iyang pangalan sa pagkalambigit sa pagkamatay sa radio blocktimer.
Ang suspetsadong si orenia adunay laing duha ka kaso kalabot sa sec. 5 sa RA 9165 nga una nang gipasaka sa kapulisan ug anaa na kini sa court level, diin gibutyag ni carandang nga andam usab mo-atubang ang iyang kleyente sa nahsigutang kaso.
March 26 / Local News / Allen D.
Hugot karong gipangandaman sa National Food Authority kon NFA dinhi sa lalawigan sa bohol ang nasinating ka-init sa panahon diin ang PAGASA mikumpirma nga nakaapekto na dinhi ang gitawag nga weak el-nino
Suma pa kang NFA manager Ping Evasco nga dili angay ikabalaka ang nasinating kainit sa panahon sanglit hugot ang pagpangandam sa buhatan aron nga dili usab maapektuhan ang pagkaon sa katawhan.
Gipasalig ni evasco nga hangtud masinati ang kainit sa panahon adunay bastanteng suplay ang lalawigan nga ikahatag ngadto sa mga konsumedor.
Gane mo-abot na sa napulo ka kilo ang mamahimong mapalit sa mga konsumedor sa matag NFA rice outlet isip pagpangandam usab sa matag pamilya sa ilang pagkaon sa matag adlaw.
Una nang gibutyag sa pagasa nga mabati ang huyang nga epekto sa el-nino hangtud sa bulan sa hulyo ning tuiga.
March 26 / Local News / Allen D.
Gipasabot ni Mayor Rosemarie “Mae” Lim-Imboy sa lungsod sa loay nga wala siyay gitamakan nga katungod kabahin sa nahimong kontrobersyal nga isyu labot sa duha ka mga blood compact site dinhi sa probinsya sa bohol diin ang usa nahimutang sa barangay bool ning dakbayan ug ang usa nahimutang sa barangay hinawanan sa lungsod sa loay.
Matud ni imboy nga gihatagan lang niya ug pagtagad ang pag-deklara sa National Historical Institute kon NHI nga diha sa barangay hinawanan nahitabo ang sandugo tali nila ni Miguel lopez de legazpi ug datu sikatuna.
Usa matud pa sa gihuptan nga kamatuoran ni imboy nga nagpamatuod nga diha sa iyang lungsod nahitabo ang blood compact mao duha ka mga sapa nga mao ang hinawanan river ug palo river.
Suma pa nga sa gihimong pakisusi sa NHI nga natung-an ug duha ka sapa ang blood compact site.
Apan luyo niini gibutyag ni mayor imboy nga dili na angay pang padak-on ang kontrobersyal nga isyu, inay ikalipay sa mga bol-anon nga dinhi gihimo ang usa ka makasaysayanong panaghigalaay tali sa nasud pilipinas ug spanya.
Sa pagkakaron padayon ang pag-develop sa blood compact site sa loay diin matud sa mayor nga makadugang usab kini ug kalagsik sa turismo sa maong lungsod.
Kagahapong adlawa gi-saulog ang ika 450 ka tuig nga kasaulugan sa nahisgutang blood compact site.
Kahinumduman nga niadtong petsa 16 karong bulana gisaulog usab dinhi sa syudad ang susamang kasaulugan, nga maoy hinungdan sa pagkalibog sa uban.
Link back to: Live Radio Recorded Broadcast Hot Topics