NEWS FROM CITY HALL
Feb 27th, 2015 by Latest News
Republic of the Philippines
City of Tagbilaran
NEWS BRIEFS FOR FEBRUARY 27, 2015
GIBUTYAG NI CITY ADMINISTRATOR LEONIDES “EDI” BORJA NGA DUNAY MGA PLANO NGA PAGAHIMOON ALANG SA KAUGMARAN DIHA SA CAINGGIT BEACH SA BARANGAY BOOY OG NGADTO USAB SA BLOOD COMPACT SITE SA BARANGAY BOOL. DUGANG PA NI CITY ADMINISTRATOR, NGA MISMO SI MAYOR JOHN GEESNELL “BABA” YAP ANG MI-BISITA SA MAONG MGA LUGAR ALANG SA PAGDAPAT SA HUSTONG MGA PROYEKTO NGA MAKATABANG ILABI NA SA MGA LUMULUPYO SA MATAG BARANGAY.
SAMTANG, PADAYONG GIPANGUSGAN ANG SUPPORTA SA PANGGAMHANANG LOKAL SA DAKBAYAN INABAGAN SA BUHATAN SA CITY DIVISION DEPED, SA MATANG SA SPORTS ALANG SA MGA KABATAAN, ILABI NA SA MGA MISALGA SA CVRAA KARONG TUIG 2015 NGA GIPAHIGAYON SA CEBU CITY. BUOT MOPATIMBAYA SI MAYOR JOHN GEESNELL “BABA” YAP SA TANANG MGA DELEGADO NGA MI-REPRESENTAR SA SYUDAD SA TAGBILARAN SA MAONG SPORTS EVENT.
GIHATAGAN UG PRIORIDAD ANG MGA SENIOR CITIZENS SA DAKBAYAN SA TAGBILARAN PINAAGI SA MGA BINUWAN NGA TIGUM SA MGA KABARANGAYAN NGA GIPAHIGAYON SA BUHATAN SA OSCA KON OFFICE OF THE SENIOR CITIZENS AFFAIRS. UGMANG ADLAWA, PETSA 28 SA PEBRERO 2015, ANG SCHEDULE SA MAONG TIGUM ALANG SA BARANGAY CABAWAN SA MAY ALA UNA Y MEDIA SA HAPON (1:30PM), SAMTANG ANG TIGUM SA BARANGAY COGON UG DAMPAS MAGSUGOD SA MAY ALAS DOS SA HAPON (2:00PM).
CITY MAYOR’S OFFICE
412-3715
Link back to: Live Radio Recorded Broadcast Hot Topics