NEWS FROM CITY HALL
Mar 1st, 2015 by Latest News
NEWS BRIEFS FOR FEBRUARY 28, 2015
DALING MI-RESPONDE ANG CITY FIRE DEPARTMENT NGADTO SA SUNOG KAGAHAPON DIDTO SA GRAHAM AVENUE. MATOD PA NI FIRE INSPECTOR MANASES BAUTISTA ELECTRICAL ANG HINUNGDAN SA MAONG SUNOG TUNGOD NIINI, MIBUTO ANG USA KA BOMBILYA NGA MAOY KINAINGNAN NGA MIKAYLAP ANG KAYO. APAN MAABTIKON RA USAB KINING NAATIMAN OG NADEKLARANG FIRE-OUT. BUSA, MAPASALAMATON ANG BUHATAN SA CITY FIRE DEPARTMENT SA MAABTIKON USAB NGA PAGTUGYAN OG IMPORMASYON UG SUMBONG GIKAN SA MGA KATAWHAN.
ANG BUHATAN SA CITY ECONOMIC BUSINESS ENTERPRISE UBOS SA EBE COORDINATOR NGA SI JUN BESA, PADAYONG NAG-ATIMAN NGADTO SA MGA KAMERKADOHAN. KARONG ADLAWA, PETSA 28 SA PEBRERO 2015, IPAHIGAYON ANG “OPERATION HINLO” DIIN IPANGLABAY ANG MGA WALA NAY GAMIT NGA MGA BUTANG SA MERKADO ARON MA-MENUSAN ANG SAGBOT OG MAHIMONG HAMUGAWAY NA ALANG SA MGA MAMALITAY.
SAMTANG, SA KATAPUSANG SEMANA SA PEBRERO IPANHIGAYON ANG PAG-CALIBRATE SA MGA TIMBANGAN SA MGA KAMERKADOHAN PINAAGI SA SPOT INSPECTION, DIIN MAGBUTANG OG SELYO KON STICKER SA TIMBANGAN NGA NA-CALIBRATE NA. GIPANGUSGAN KINI SA PANGGAMHANANG LOKAL SA DAKBAYAN ARON MA-PROTEKSYUNAN ANG MGA KONSUMIDOR SA MGA LIMBONG SA TIMBANGAN.
Link back to: Live Radio Recorded Broadcast Hot Topics