NEWS FROM CITY HALL – MARCH 10, 2015
Mar 10th, 2015 by Latest News
ANG BUHATAN SA CITY TRAFFIC MANAGEMENT BOARD PADAYONG NAGPAHILUNA SA PAG-AMMENDAR SA MGA ANGAY REBISAHON MAHITUNGOD SA CITY TRAFFIC CODE. KINI ALANG SA PAG-UPDATE SA MGA BALAOD SA TRAPIKO OG ARON MAS MAPATUMAN ANG MAS HUGOT NGA PAG-IMPLEMENTAR NIINI SA DAKBAYAN SA TAGBILARAN.
SAMTANG, PADAYON NGA GIPANGANDAMAN ANG PAG-SELEBRAR SA TINUIG NGA SAULOG TAGBILARAN DIIN KARONG UMAABOT PETSA 16 SA MARSO, 2015 MAO ANG KICK-OFF SA MAONG SELEBRASYON SA IKA-45OTH COMMEMORATION SA BLOOD COMPACT SITE. ANG PANGGAMHANANG LOKAL SA DAKBAYAN UBOS NI MAYOR JOHN GEESNELL “BABA” YAP NAGPAKITA UG INITIATIBO ALANG SA PAGPABALIK SA KA-ALEGRE OG PAG-UGMAD SA MAONG HISTORICAL SITE. BUSA, NAGHIPNO NA SA MGA KALIHUKAN OG MGA PLANO ANG DAKBAYAN, ARON MAPAKITA ANG IKAPASIGARBO SA MGA LUMAD NGA TAGBILARANON NGADTO SA TIBUOK KALIBUTAN KON UNSA KANINDOT NA ANG TAGBILARAN.
OG KAGAHAPON LANG SA HAPON, GIHIMO ANG USA KA GENERAL MEETING ALANG SA TANANG KOMITIBA SA SAULOG TAGBILARAN 2015, DIIN GIHISGUTAN ANG MGA PLANO ALANG SA NAGKADUOL NGA KASAULOGAN SA SAULOG TAGBILARAN 2015.
Link back to: Live Radio Recorded Broadcast Hot Topics
