NANGULO SI MAYOR ESTER TABIGUE SA LUNGSOD SA MABINI SA PAGHANDUM KAGAHAPONG ADLAWA SA SUMAD SA PAGKAMATAY SA MGA BATANG TINUN–AN SA SAN JOSE ELEMENTARY SCHOOL NAPULO NA KA TUIG ANG NAKALABAY TUNGOD SA PAGKAHILO SA PAGKAON OG BALANGHOY
Mar 11th, 2015 by Latest News
LOKAL NGA BALITA
MARSO 10, 2015
REYTUT’s
NANGULO SI MAYOR ESTER TABIGUE SA LUNGSOD SA MABINI SA PAGHANDUM KAGAHAPONG ADLAWA SA SUMAD SA PAGKAMATAY SA MGA BATANG TINUN–AN SA SAN JOSE ELEMENTARY SCHOOL NAPULO NA KA TUIG ANG NAKALABAY TUNGOD SA PAGKAHILO SA PAGKAON OG BALANGHOY
Gihandum sa katawhan sa Mabini kagahapong adlawa sa yano nga paagi ang sumad sa pagkamatay tungod sa balanghoy sa mga batang tinun-an sa San Jose Elementary School sa maong lungsod.
Nangulo si Mayor Ester Tabigue sa pagtimaan sa ika 10 ka tuig nga sumad sa pait nga nadangatan sa mga batang tinun-an sa maong tunghaan.
Matud ni Mayor Tabigue nga usa ka santos nga misa sa pag-ampo para sa mga namatayng tinun-an ang gipahigayon nga gipangunahan ni Padre Alvin Pubar ug gitambungan sa mga opisyal sa lungsod ug barangay, ginikanan ug mga tinu-an.
Kahinumdoman nga niadtong Marso 9, 2005, 27 ka tinun-an sa San Jose Elementary School ang namatay human nahilo sa gikaon nga maruya nga ginama sa balanghoy atul sa recess kon tingpahulay sa buntag.
Sumala sa mayor nga naglaraw usab sila nga magpanday og ordinansa bahin niini apan ilaha pa una kining ikonsulta sa mga legal experts.
Link back to: Live Radio Recorded Broadcast Hot Topics
