NANGHINAUT ANG DILG NGA MAKASUGOD NA KARONG BUWANA SA PAGTUKOD SA MGA NANGAGUBANG INPRASTRAKTURA ANG MGA KALUNGSURAN NGA NANGADAUT SA KUSOG NGA LINOG
Mar 4th, 2015 by Latest News
LOKAL NGA BALITA
MARCH 4, 2015
REYTUT’s
NANGHINAUT ANG DILG NGA MAKASUGOD NA KARONG BUWANA SA PAGTUKOD SA MGA NANGAGUBANG INPRASTRAKTURA ANG MGA KALUNGSURAN NGA NANGADAUT SA KUSOG NGA LINOG
Gibutyag sa direktor sa buhatang probinsiyal sa Department of Interior and Local Government dinhi sa Bohol nga gamay na lang ang kulang sa mga Program Of Works sa mga kalungsuran nga wala ma-sumiter ngadto sa Provincial Project Management Team.
Nasayran sa DyRD nga sa 1,066 ka mga proyekto, 923 na ang napasa nga mga POW’s diin 652 pa niini ang na-aprobahan ug 623 na ang na-isyuhan og Certificate of Availability of Funds kon CAF.
Daghan na sab ang nahatagan og mga tseke samtang aduna pa gihapoy utrohonon ug ubos sa pagtuon. Daghn na sab nga mga lungsod ang anaa na sa bidding process.
Si DILG Provincial Director Ma. Louella Lucino mipasabot atul sa “Kita ug ang Gobernador” niadtong biyernes nga daghan nga mga dokumento ang nabalik sa mga kalungsuran tungod kay walay mga pirma , walay building clearance ug wala magkapareha ang mga kantidad sa proyekto.
Buot sa DILG nga mapaspasan ug mahipno sa mga kalungsuran ang mga dokumento sa mga proyekto aron makasugod na karong buwana sa pagtukod sa mga inprastraktura nga naguba sa kusog nga linog.
Link back to: Live Radio Recorded Broadcast Hot Topics
