NAKASAWAY ANG PUBLIKO SA PAMATASAN UG PAMAAGI SA MGA KAWANI SA PHILIPPINE LONG DISTANCE AND TELEPHONE COMPANY DINHI SA BOHOL SA SERBISYO NGADTO SA ILANG MGA KOSTUMER
Mar 7th, 2015 by Latest News
LOKAL NGA BALITA
MARSO 6, 2015
REYTUT’s
NAKASAWAY ANG PUBLIKO SA PAMATASAN UG PAMAAGI SA MGA KAWANI SA PHILIPPINE LONG DISTANCE AND TELEPHONE COMPANY DINHI SA BOHOL SA SERBISYO NGADTO SA ILANG MGA KOSTUMER
Nakasaway ang publiko sa pamatasan ug pamaagi sa mga kawani sa Philippine Long Distance and Telephone Compnay kon PLDT dinhi sa Bohol bahin sa serbisyo ngadto sa ilang mga kostumer.
Atul sa tulomanon”Inyong Alagad”kagahapon sa buntag, usa ka babaye nga caller mipadayag sa iyang pagsaway ngadto sa maong kompanya. Gisaysay sa caller nga dihang nag-aplay siya og landline, gi-text-kan ug gitawgan pa siya sa ulohang buhatan sa PLDT nga paadtuon siya sa ilang buhatan sa dinhi sa Bohol nga nahimutang karon sa City Square aron magbayad sa installation fee apan giingnan siya sa taga PLDT dinhi nga wala nakig-alayon ang taga PLDT Main Office kanila ug walay available nga slot.
Human sa pipila ka adlaw, matud sa caller nga gi-text-kan na pud siya sa PLDT Main Office nga pabalikon apan mao gihapon ang gisulti sa PLDT City Square nga walay available slot. Nakasaway ang publiko tungod kay ang pamaagi sa taga PLDT nakahatag og kahasol.
Sa laing bahin si Richard Abella, supervisor sa PLDT dinhi sa Bohol mitin-aw nga modawat lang ang ilang opisina og tseke kadtong tseke ra nga dunay witholding tax isip bayad sa bayrunon sa ilang mga kostumer.
Ang opisina sa PLDT sa City Square dili sab modawat og cash. Matud ni Abella nga ang cash ug ang tseke nga walay witholding tax adto ibayad sa payment channels pasabot nga adto sa tanang bangko dinhi sa dakbayan.
Link back to: Live Radio Recorded Broadcast Hot Topics
Dili na katingalahan ug ingana ng PLDT hagbay rana mga way klaro