NAGLARAW ANG MGA TINOGYANAN SA LAND TRANSPORTATION OFFICE DINHI SA TAGBILARAN NGA MOPAHIGAYON OG ROAD SIDE INSPECTION NUNOT SA REKLAMO SA PUBLIKO NGA DAGHANG MGA SAKYANAN NGA NAGDAGAN DINHI SA BOHOL NGA ITOM ANG ASO NGA GIPANGBUGA NGA MAKADAUT SA PANGLAWAS
Feb 27th, 2015 by Latest News
By Rey Tutas
Gibutyag sa Officer In Charge sa Land Transportation Office dinhi sa Tagbilaran nga naglaraw sila nga mopahigayon og inspeksyon sa aso nga gipangbuga sa mga sakyanan diha sa mga kalsada.
Si Erwin Patalinghug nagkanayon nga kung mopahigayon sila sa road side inspection sa aso sa mga sakyanan kinahanglan ang naay presensiya sa mga taga Department of Environment and Natural Resources subay sa nalatid sa Akta Republika Numero 8749 kon ang The Philippine Clean Air Act of 1999.
Matud ni Patalinghug nga mohangyo pa sila sa ilang buhatang rehiyonal tungod kay wa silay kahimanan nga mo-determinar sa kalidad sa aso sa mga sakyanan.
Panahon sa pagbag-o sa rehistro o kaha sa pagparehistro sa mga sakyanan, ipaubos kini sa smoke emission testing.
Mireklamo ang publiko nga daghang mga sakyanan nga nagdagan dinhi sa Bohol nga mga itom ang gipangbugang aso nga makadaut sa panglawas.
Link back to: Live Radio Recorded Broadcast Hot Topics
Thanks for sharing your thoughts on bohol radio.
Regards