Naalarma karon ang usa ka blocktime radio announcer dinhi sa stasyong dyrd human masayran nga daw aduna matud pay hulga sa iyang kinabuhi.
Mar 1st, 2015 by Latest News
By Allen Doydora
Naalarma karon ang usa ka blocktime radio announcer dinhi sa stasyong dyrd human masayran nga daw aduna matud pay hulga sa iyang kinabuhi.
Si felix cempron usa ka komentarista sa programang sayri ang lungsod regular nga nagsibya dinhi sa stasyong dyrd namahayag nga kagahapong adlawa byernes nahibaw-an niya ang senyales nga dunay bahad sa iyang kinabuhi.
Gibutyag sa on-duty nga guardya nga mao usab ang saksi sa maong hitabo nga pasado alas 2 sa hapon kagahapong adlawa aduna matud pay usa ka lalake nga nagpangidaron ug 26 hangtud 28 anyos nga naglakaw lamang, diin kalit kining mi-hunong tungod sa giparking nga motor ni cempron atubangan sa dyrd station ug gi-lista ang plate number niini sa iyang dala nga notebook.
Matud sa gwardya nga iyang gi-sita ang maong tawo apan dali kining misibat, samtang dali usab kini niyang gi-tug-an ngadto kang cempron.
Sa pagkahibawo ni cempron iya usab nga gipa blotter ug dali sa kapulisan ning dakbayan aron nga mamatikdan usab sa kapulisan kabahin matud pa sa bahad sa iyang kinabuhi.
Link back to: Live Radio Recorded Broadcast Hot Topics