Mahidangat kagahapon sa buntag dinhi sa dakbayan sa Tagbilaran ang laing International Cruise Ship gikan sa Malaysia luwan ang mga langyaw’ng pasahero nga mobisita ug mosuroy sa mga tourist destination dinhi sa Bohol.
Kini ang gibutyag sa Acting Executive Assistant sa Philippine Ports Authority, Ports Management Office sa Bohol nga si Architect Epelito Arao-arao II. Ang barkong MS L’Austral nga gipanag-iya sa French Shipping Company nga Compagnie Du Ponant mo-ankorahe sa pantalan sa dakbayan luwan ang 264 ka mga pasahero kasagaran mga French National ug 150 ka mga tripulante.
Dinhi sa Pilipinas, ang lalawigan sa Bohol maoy unang anhian sa maong cruise ship gikan sa Darwin, Australia, Indonesia ug Malaysia.
Ang sunod-sunod nga pagbisita sa mga langyaw sakay sa mga cruise ship timailhan nga milagsik gayud ang turismo sa Bohol.
Kini maoy unang international cruise ship nga mibisita sa Bohol ning buwana misunod sa usa sab ka barko gikan sa laing nasud nga nag-ankorahe sa dagat sa Baclayon niadtong Pebrero.

Link back to:       Live Radio    Recorded Broadcast    Hot Topics