ILUSAD KARONG MARSO ANG UNANG BASKET FESTIVAL SA ANTEQUERA DUNGAN SA PAGSAULOG SA IKA-139 KA SUMAD SA LUNGSOD UG GILAUMANG MAKADASIG PA KINI OG MGA TURISTA GIKAN SA PAGKAHAGBA NUNOT SA PAGHAPAK SA MGA KATALAGMAN
Mar 1st, 2015 by Latest News
Gikatakdang ilusad sa pangagamhanang lokal sa Antequera sa tunga-tunga sa Marso ang unang Antequera Basket Festival nga pangunahan ni Mayor Jose Mario Pahang ug kaubang opisyalis.
Kini idungan sa pagsaulog sa ika-139 nga sumad sa lungsod karong Marso 17. Ang lungsod sa Antequera nga gibansagang”Basket Capital of Bohol” naila na sa tibuok kalibutan tungod sa mga nindot ug de-kalidad nga mga basket nga gipasigarbo ug giluamang makapadasig pa kini sa mga local ug langywa’ng turista sa pagsuroy sa mga tourist spot.
Ang pagama og basket usa ka tinubdan sa panginabuhian sa mga taga Antequera.
Gitinguha sa mga opisyalis sa lungsod nga molagsik pa gyud ang ilang turismo diin gawas sa Mag-aso Falls ug Inambacan cave and Spring, gidasig usab ang mga katawhan sa pagbisita sa Pangpang-Habog Falls.
Nagkalain-laing kalihukan ang padayong gihan-ay karon alang sa ilang Foundation Day nga gilaumang tambungan sa mga kadagkuan sa probinsiya.
Link back to: Live Radio Recorded Broadcast Hot Topics