Ika duha ang lalawigan sa bohol sa tibook central visayas nga dunay taas nga ihap sa mga bata nga anaa sa pre-school ang kulang ug hilabihang ka kulang sa timbang base sa datus gikan sa National Nutrition Council-7 sa tuig 2014.
Mar 7th, 2015 by Latest News
March 06 / Lokal News / Allen D.
Ika duha ang lalawigan sa bohol sa tibook central visayas nga dunay taas nga ihap sa mga bata nga anaa sa pre-school ang kulang ug hilabihang ka kulang sa timbang base sa datus gikan sa National Nutrition Council-7 sa tuig 2014.
Base sa gipaguwa nga datus sa maong buhatan nga ang bohol dunay 136,871 ka mga bata nga normal ang timbang, 1,018 niini ang sobra sa timbang, 6,278 ang kulang sa timbang ug 1,020 ang adunay hilabihan ang kakulang sa timbang.
Ang datus nga gipaguwa sa nnc 7 nag-monitor gikan sa buwan sa enero hangtud marso sa tuig 2014 diin ang bohol dunay kinatibuk-ang ihap nga 4,266 ka mga bata ang gipailawom sa pagtimbang.
Nag-una ang lalawigan sa cebu nga dunay taas nga ihap sa mga bata nga kulang sa timbang nga mi-abot sa ihap nga 17,921 ug 4,266 hilabihan ka kulang sa timbang.
Ikatulo ang probinsya sa negros oriental nga mitala sa 6,177 ang kulang sa timbang ug 1,470 ang labing kulang sa timbang, ug ika upat ang siquijor nga dunay 418 ang kulang sa timbang ug 57 lang ang hilabihang ka kulang sa timbang.
Gumikan sa maong suliran sa kakulang ug timbang sa mga kabataan ang NNC7 kauban ang Media Information Network and Development-7 nag-mugna ug mga plano aron nga mahatagan ug pagtagad dili lang sa hamubo nga panahon kon dili sa tibook tuig nga programa aron nga mapugngan ang pagsaka sa suliran sa nutrisyon sa mga kabataan.
Link back to: Live Radio Recorded Broadcast Hot Topics
