IBALIK SA KAGAMHANAN SA DAKBAYAN SA OTSO PESOS ANG MINIMUM NGA PLETEHAN SA MGA TRAYSIKOL NUNOT SA NAG-ANAM USAB OG SAKA ANG PRESYO SA MGA PRODUKTONG LANA
Feb 27th, 2015 by Latest News
By Rey Tutas
Gipahayag ni konsehal Jerry Pabe, tsirman sa Committee on Public Utilities sa Sangguniang Panlungsod sa Tagbilaran nga ibalik nila sa otso pesos ang minimum nga pletehan sa traysikol tungod sa nag-anam usab og saka ang presyo sa mga produktong petrolyo.
Matud ni konsehal Pabe nga kung mobalik sa 50 pesos ang matag litro sa lana, ibalik usab nila sa otso pesos ang kada usa ka kilometro nga pletehan sa traysikol.
Gipasabot sa opisyal nga provisional authority ra ang ilang gihatag sa mga tag-iya ug drayber sa traysikol.
Ang minimum nga pletehan karon sa traysikol tag 7 pesos kada usa ka kilometro apan padayon gihapon nga mireklamo ang publiko kay otso pesos gihapon ang gipaningil sa mga drayber gumikan kay matud pa walay taripa .
Giangkon usab niya nga aduna pa gihapoy mga drayber sa traysikol nga wala motuman sa bag-ong kamanduan bahin sa pletehan busa iyang gi-awhag ang sumasakay nga isumbong sa kapolisan ang mga malapason sa balaod.
Link back to: Live Radio Recorded Broadcast Hot Topics