Hingpit na nga gipasakaan ug kaso sa buhatan sa piskalya dinhi sa syudad ang mga gikatahapang tigpayuhot ug illegal nga droga nga nasikop sa mga sakop sa Criminal Investigation and Detection Group CIDG atol sa ilang gipahigayon nga one time big time niadtong adlawng sabado ug domingo.
Mar 4th, 2015 by Latest News
MARCH 04 / Lokal News / Allen D.
Hingpit na nga gipasakaan ug kaso sa buhatan sa piskalya dinhi sa syudad ang mga gikatahapang tigpayuhot ug illegal nga droga nga nasikop sa mga sakop sa Criminal Investigation and Detection Group CIDG atol sa ilang gipahigayon nga one time big time niadtong adlawng sabado ug domingo.
Kalapasan sa pag-hupot ug illegal nga drogas ug ihas nga armas ang gipasaka sa dinakpan nga nailhang Jessie Masalta hingkod ang panuigon minyo ug nag-puyo sa G.Lamdagan st. barangay Cogon ning syudad.
Samtang kalapasan sa paghupot ug illegal nga drogas ug kalapasan sa R.A 9287 o mas nailhang An Act Increasing The Penalties For Illegal Numbers Games kon swertres ang gipasaka batok sa usa ka crispin pamaong nag-puyo sa dalang calceta barangay cogon ning dakbayan.
Gi-sikop ang mga gikatahapan pinaagi sa pag-isyu ug search warrant diin nakuha gikan sa mga panimay niini ang mga illegal nga kontrabando.
Sa pagkakaron ang maong mga gikatahapan kasamtangang gipaslak sa sulod lock-up jail sa kapulisan ning syudad ug nagpaabot sa pag-dungog sa ilang mga kaso.
Link back to: Live Radio Recorded Broadcast Hot Topics
