GIPASABOT NI DR. NELSON PATEÑA, DIRECTOR SA BOHOL ISLAND STATE UNIVERSITY BINGAG-MAIN CAMPUS NGA GI-SKEDYUL NILA ANG PAGSUL-OB SA MGA WALA UG DUNAY WATER MARK NGA UNIPORME DIIN MAO KINI ANG NAHISGUTAN UG NASABUTAN SA ILANG GIHIMONG GENERAL ASSEMBLY
Mar 1st, 2015 by Latest News
Gipasabot ni Dr. Nelson Pateña, director sa Bohol Island State University kon BISU Bingag-Main Campus nga ang pagsul-ob og uniporme sa mga tinun-an ilang gi-skedyul.
Mao kini ang pagpasabot ni Pateña agig tubag sa reklamo sa mga tinun-an ug ginikanan nga iyang gipadala dinhi sa DYRD pinaagi sa text niadtong huwebes sa hapon.
Matud ni Pateña nga napasabot na nila ngadto sa mga estudyante ang maong suliran pinaagi sa usa ka general assembly diin usa sa mga probisyon sa maong butang gi-skedyul nila ang pagsul-ob saw ala ug dunay water mark nga uniporme ilabina sa mga higher years.
Nasayran sa DyRD nga ang uniporme nga dunay water mark isul-ob sa adlawng lunes ug huwebes samtang ang walay water mark isul-ob sa martes ug biyernes.
Kahinumdoman nga mireklamo ang ginikanan nga si Marilyn Besinga batok sa mga nagdumala sa eskwelahan sa BISU tungod kay gipugos gihapon ang mga tinun-an sa pagpalit og uniporme nga dunay water mark bisag nakapatahi na sila sa gawas og unipormeng walay water mark kay maoy mando gikan sa mga kadagkuan sa eskwelahan nga nakahatag kanila og kahasol ug dugang gasto.
Gi-awhag ni Director Pateña ang mga tinun-an sa pag-adto sa Student Affairs Office aron matagad ang ilang mga suliran ug kung mamatud-ang balido ang ilang mga katarungan mahatagan kini og gatepass.
Link back to: Live Radio Recorded Broadcast Hot Topics