GIPAMATUD-AN SA OPERATION MANAGER SA LITE SHIPPING CORPORATION NGA SI EDGAR GENITA NGA NASAGHIRAN SA USA KA BARKO SA MAONG KOMPANYA ANG LAIN PA NILANG USA KA BARKO KAGAHAPON SA KAADLAWON DIDTO SA PANTALAN SA TUBIGON
Feb 27th, 2015 by Latest News
By Rey Tutas
Gipamatud-an sa nagdumala sa Lite Shipping Corporation nga nasaghiran sa usa ka barko sa maong kompanya ang lain pa nilang usa ka barko kagahapong adlawa.
Si Edgar Genita, operation manager sa Lite Shipping Corporation niingon atul sa gihimong pakighinabi sa DyRD Inyong Alagad nga nahitabo kini kagahapon sa kaadlawon mga alas 12:20 didto sa pantalan sa Tubigon.
Ang Lite Ferry 12 nga usa ka passenger ug cargo ship gitimon sa kapitan sa barko nga si Nelson Francisco nakahawa na og gamay sa maong pantalan ug mobyahe paingon sa Sugbo samtang naghuwat usab ang Lite Ferry 26 gikan sa dakbayan sa Mandaue nga hingpit nga makahawa ang Lite Ferry 12 kay mopuli.
Nagtuo si Genita nga tungod sa kusog nga sug sa dagat maong nasaghiran ang Lite Ferry 26 nga gitimon sa ship captain Iluminado Luardo nga usa ka cargo ship. Hinuon gamay lang ang nalupyak nga parte sa Lite Ferry 26 gane luwas man nga nakalarga ang duha ka barko paingon sa ilang mga destinasyon.
Link back to: Live Radio Recorded Broadcast Hot Topics