GIPAHAYAG SA NATIONAL FOOD AUTHORITY DINHI SA BOHOL NGA WALAY NAY NAHITABONG PAGSAGOL SA BUGAS NGA NFA UG KOMERSIYAL APAN ADUNA PA GIHAPOY TAHO NGA NIHIMO SA PAGSAGOL SA DUHA KA KLASENG BUGAS
Mar 11th, 2015 by Latest News
LOKAL NGA BALITA
MARSO 10, 2015
REYTUT’s
GIPAHAYAG SA NATIONAL FOOD AUTHORITY DINHI SA BOHOL NGA WALAY NAY NAHITABONG PAGSAGOL SA BUGAS NGA NFA UG KOMERSIYAL APAN ADUNA PA GIHAPOY TAHO NGA NIHIMO SA PAGSAGOL SA DUHA KA KLASENG BUGAS
Gipahayag sa National Food Authority kon NFA dinhi sa Bohol nga wala nay nahitabong pagsagol sa bugas nga NFA sa bugas nga komersiyal nga gipangbaligya sa mga tindahan.
Matud ni Ma. Fe Evasco, manager sa NFA dinhi sa probinsiya nga dili na kinahanglan pa nga mohimo og pagsagol ang mga naninda og komersiyal nga bugas sa NFA tungod kay pare-pareha ra ang barayti niini apan aduna pa gihapoy taho nga mihimo sa maong kalapasan. Kahinumdoman nga dihang nibisita dinhi sa Bohol ang NFA Administrator nga si Renan Dalisay, gibutyag ni Adelaida Lumain, presidente sa GRECON-Bohol nga adunay mga gipangbaligya sa mga kamerkaduhan nga gisagol ang komersiyal ug ang NFA nga bugas.
Sumala ni Evasco nga gipangusgan nila karon ang kampanya batok sa diversion ug pagpalabaw sa presyo sa bugas nga NFA.
Gipasabot sa manager sa NFA dinhi sa Bohol nga ang”diversion” mao ang pagbaligya sa bugas ngadto sa laing lugar nga dili sakop sa hurisdiksyon sa NFA accredited outlet, pasabot nga ang NFA accredited outlet adto ra gyud mamaligya sa iyang hurisdiksyon.
Gibutyag ni Evasco nga karong bag-o gikanselar nila ang akreditasyon sa duha sa NFA retailer outlet human nila nahibaw-an nga nihimo sa “diversion”nga kalapasan hinuon wala siya mo-hingalan sa retailer outlet.
Link back to: Live Radio Recorded Broadcast Hot Topics
