Gi-uyunan ni Mayor Jose Nicanor Tocmo sa lungsod sa Corella ang Balibago Water nga makakuha ug suplay sa tubig sa iyang lungsod.
Mar 4th, 2015 by Latest News
March 3 / Lokal News / Allen D.
Gi-uyunan ni Mayor Jose Nicanor Tocmo sa lungsod sa Corella ang Balibago Water nga makakuha ug suplay sa tubig sa iyang lungsod.
Suma sa mayor nga aduna nay namugna nga Memorandum of Agreement kon MOA tali sa pangamhanang lokal sa corella ug sa balibago water nga mo-kuha ug suplay aron nga ihatud usab kini sa lungsod sa panglao particular na sa pag-pangandam sa katukuran sa bohol new airport.
Suma sa mayor nga mokantidad sa 2 pesos matag cubic meter ang ibayad sa balibago water ngadto sa lungsod, diin nakita sa mayor nga dako kining tabang sa panundlanan sa lokal nga pangamhanan.
Samtang gibutyag usab sa mayor nga bisan adunay mo-kuha ug supaly sa tubig sa ilang dapit dili kini makahatag ug problema sa suplay sa iyang lungsod sanglit bastante matud pa ang tubig sa ilang dapit.
Sa pagkakaron gawas sa balibago water nga mag-sugod palang sa pag-muntar ug pumping station, usa ang bohol water nga maoy dakong supplier sa tubig ang nagsalig usab sa suplay gikan sa corella.
Link back to: Live Radio Recorded Broadcast Hot Topics