DAUIS – Usa ka minor de edad naaksidente sa kadalanan patay
Mar 8th, 2015 by Latest News
DYRD RADYO BALITA
REPORT BY Cecilio Remolador
08 March 2015
DAUIS – Patay nga nahidangat sa tambalanan ning siyudad sa Tagbilaran ang usa ka motorista human aksidente nga nadusmog sa gikasugat nga laing motorsiklo didto sa barangay Songculan , Dauis .
Ang biktima nailhang Reymart Bajao 17 anyos lumad nga taga Bahay , Leyte distributor sa WILJANNE PHARMA nga naka base sa barangay Bingag , Dauis . Matud pa kining biktima paingon na unta mopauli sa Bingag angkas ang duha ka mga pasahero sa dihang nadusmog sa gikasugat nga motorsiklo nga gimaneho sa nailhang driver Jaypee L. Dogoy 23 anyos usa ka tinun-an sa BISU taga Sto. Niño Hanopol , Balilihan .
Pulos gihatud sa tambalanan ang mga motorista . Nasayran sa imbestigasyon sa kapolisan nga pulos way mga drivers license ang mga motorista atol sa maong insidente . ( 06 1940hmar.fri. )
Link back to: Live Radio Recorded Broadcast Hot Topics
