Dako ang gipakita nga pag-uyon ni Ubay Mayor Galicano Atup kabahin sa pag-develop ug balik sa Airport sa maong lugar.
Mar 4th, 2015 by Latest News
March 3 / Lokal News / Allen D.
Dako ang gipakita nga pag-uyon ni Ubay Mayor Galicano Atup kabahin sa pag-develop ug balik sa Airport sa maong lugar.
Matud sa mayor atol sa pakighinabi sa dyrd balita nga aduna nay namugna nga sugyot labot sa pagtiwas sa maong tugpahanan diin mismo si Gobernador Edgar Chatto ug 2nd District Congressman Aris Aumentado managsama ang panglantaw aron matiwas ang natanggong nga proyekto sa maong lungsod.
Suma ni atup dako na ang nahimong nagasto sa mga kanhing namunuan sa ikaduhang distrito kabahin sa pag-sugod sa maong proyekto ug gikinahanglan nga matiwas aron dili masayang ang kwarta nga gibubo niini.
Nanghinaut ang mayor nga mahatagan ug igong pondo ang pagtiwas sa maong airport aron mapadayon ug aron usab nga makatabang kini sa dugang pa nga kauswagan sa lungsod sa ubay ug mga silingang dapit.
Gawas niini makatabang usab ang airport sa ubay kon ugaling adunay kakulian nga mahitabo sa airport sa dakbayan sa tagbilaran ilabi na nga sa pagkakaron one plane policy paman ang gipatuman dinhi.
Link back to: Live Radio Recorded Broadcast Hot Topics