WA PA MAILHI HANGTUD KARON KINSA ANG TAG-IYA SA AWTO NGA HONDA CIVIC NGA GISAKYAN SA MGA NADAKPAN UG NAPATAY NGA DRUG SUSPECT ATOL SA ENGKWENTRO SA GIPAHIGAYONG BUY-BUST SA KAPOLISAN KARONG BAG-O
Oct 9th, 2014 by Latest News
Gisubay pa hangtud karon kinsa ang tag-iya sa awto nga Honda Civic nga giskayan sa napatay ug nadakpang drug suspect atol sa usa ka buy-bust operation sa kapolisan sa milabayng sabado sa hapon dinhi sa dakbayan.
Ang puti nga Honda Civic nagdala sa plaka TMZ 903 kasamtangan karon nga ubos sa pagbantay sa PNP Crime Lab sa Campo Dagohoy diin gimaneho kini sa napatay nga si Gregor Aranas didto sa Manga – Tiptip road ning dakbayan.
Suma ni P/Insp. Gereon Item sa Intelligence section sa Tagbilaran City Police Station nga wa pa sila kadawat og kasayuran kinsa ang tag-iya sa maong sakyanan nga matud pa naay nakabutang nga sticker nga Philippine National Police Academy 1978.
Samtang si P/Insp. Item mibutyag nga napasakaan na og kasong kalapasan sa Seksyon 5 Artikulo 2 sa RA 9165 ang gikatahapan nga si Ronald Telmo samtang Seksyon 5 ug 11 sa RA 9165 ang nasang-at batok kang Tyrone Animas kinsa kasamtangan karon nga anaa sulod sa tambalanan human masamdan sa engkwentro.
Dili pa usab konpirmado ang taho kabahin sa usa ka kilo nga shabu gikan sa mga gikatahapan suma ni Item.
Link back to: Live Radio Recorded Broadcast Hot Topics
