USA ANG NASIKOP SAMTANG USA SAB ANG NAKAIKYAS SA SUNOD-SUNOD NGA RONDA SA KAPOLISAN KAGAHAPON SA KAADLAWON SA BARANGAY UPPER BONBON UG CANDABONG SA LUNGSOD SA LOBOC
Nov 11th, 2014 by Latest News
LOKAL NGA BALITA
NOV. 11,2014
REYTUT’s
Nasikop sa kapolisan ang usa ka gituohang tigpayuhot sa ginadiling drogas samtang ang usa nakaikyas sa sunod-sunod nga ronda sa kagahapon sa kaadlawon sa Brgy. Upper Bonbon ug Candabong sa lungsod sa Loboc.
Nadakpan ang gikatahapan giila nga usa ka Juleto Halasan, hingkod ang panuigon sa Brgy, Upper Bonbon samtang wala sa iyang panimalay atol sa ronda ang suspetsado nga giilang usa ka Arnel Mandin sa Brgy. Candabong sa Loboc.
Gibutyag ni P/Insp. Lopena hepe sa Loboc PNP kinsa maoy nangulo sa duha ka gihimong ronda nga nakasakmit sila og lima ka putos sa gituohang shabu , drug paraphernalia ug usa ka 38 caliber snub-nose revolver sa panimalay ni Halasan.
Wa man tuod madakpi ang gikatahapang si Mandin apan nakahipos gihapon ang kapolisan og putos sa gidudahang shabu sulod sa panimalay niini.
Gisikop usab ang usa ka Enrique Lorillana human makuhaan sa iyang posesyon sa gituohang shabu dihang naabtan sulod sa panimalay ni Mandin.
Gipahigayon ang ronda pinasikad sa search warrant nga gipagawas ni Judge Dionisio Calibo Jr. sa Regioanl Trial Court Branch 50 sa lungsod sa Loay.
Link back to: Live Radio Recorded Broadcast Hot Topics
