Tibuok buwan sa Pebrero sunod tuig dili una mangrehistro ang COMELEC sa mga regular nga butante gumikan sa piniliay sa SK
Oct 25th, 2014 by Latest News
Suspendido sa tibuok buwan sa Pebrero sunod tuig sa pagpangrehistro sa mga botante nga mobotar para sa tuig 2016 nga piniliay nunot sa pagpangandam ug pagpahigayon sa pinilay sa Sangguniang Kabataan nga gitakda sa Pebrero 21, 2015.
Mao kini ang gibutyag ni Provincial Comelec Supervisor Atty Elesio Labaria.Sa eksklusibong interbyu sa DYRD Balita kang Labaria, gibutyag niya nga subay sa Comelec resolution No. 9905, ipaubos ang tibuok nasud sa election period nga gitakda sugod sa Enero 22 hangtud sa Marso 2 sa sunod tuig.
Sa gitakda nga election period, ipatuman ang gun ban, did-an ang mga kandidato o politiko sa pagdala og mga gwardiya gawas sa gobernador ug sa mga kongresista. Samtang sa adlaw usab sa piniliay, Pebrero 21, gidid-an usab ang mga kandidato sa paghatag og mga regalo o kaha mga donasyon.
Matud ni Labaria nga sugod sa Enero 22 hangtud sa adlaw sa piniliay sa SK, gidli usab ang pag-umento sa sweldo sa mga kawani sa gobyerno, promotions, lakip na usab ang pagbalhin sa mga opisyal ug kawani sa kagamhanan.
Gitakda sa Comelec nga ang pagsang-at sa Certificate Of Candidacy sa mga kandidato sa SK ipahigayon sa sugod sa Pebrero 7,9 ug 10 samtang magsugod ang pagpangampanya sa Pebrero 11 hangtud na sa 19.
Link back to: Live Radio Recorded Broadcast Hot Topics