Suspek sa pagpayuhot og droga nga gikatahaong kauban ni Tyrone Animas napasakahan na og kaso
Oct 28th, 2014 by Latest News
Gipasakaan na og tukmang sumbong kagahapon ang nasikop nga kauban sa grupo sa bigtime drug pusher nga si Tyrone Animas nga nadakpan sa kapolisan sa usa ka ronda niadtong sabado sa buntag sa M. Torralba Extension sa Poblacion 3 ning dakbayan.
Kasong kalapasan sa Sesyon 11 ug 12 sa Republic Act 9165 kon Comprehensive Dangerous Drug Act of 2002 ang giatubang sa gikatahapan nga si Abel Dalmao, 35 anyos minyo nagpuyo sa maong dapit sa Poblacion 3.
Atol sa maong ronda pinasikad sa search warrant nga gipagawas ni Executive Judge Suceso Arcamo sa RTC Branch 47, nakahipos ang kapolisan nga gipanguluhan ni P/Insp. Gereon Item og 12 ka gagmayng pakete sa shabu sulod sa balay ni Dalmao, usa ka dakong putos sa mga traces sa shabu ug mga drug paraphernalia sama sa aluminum foil, duha ka digital weighing scale, usa ka improvised plastic scoop, gunting, disposable lighter, improvised tooter ug usa ka electric heat sealer.
Gisaksihan ang maong ronda sa duha ka barangay konsehal sa POblacion 3 si Felixberto Remolador ug Eduardo Padua, Representante sa DOJ ug sakop sa Media. Sa pagkakaron nagpabilin pang anaa sulod sa bilangguan sa kapolisan sa dakbayan ang gikatahapan.
Link back to: Live Radio Recorded Broadcast Hot Topics
