SUBLING NAGPASIDAAN ANG KAPOLISAN SA MGA KATAWHAN NGA MAGBINANTAYON SA PAGSUROY DINHI SA DAKBAYAN BATOK SA MGA KRIMINAL NGA NAMIKTIMA NA SAB ILABINA NA NGA NAGSINGABOT NA ANG PANAHON SA PASKO NGA MAOY TINGDUGOK ILABINA SA MGA MALL
Dec 11th, 2014 by Latest News
LOKAL NGA BALITA
DEC. 11, 2014
REYTUT’s
SUBLING NAGPASIDAAN ANG KAPOLISAN SA MGA KATAWHAN NGA MAGBINANTAYON SA PAGSUROY DINHI SA DAKBAYAN BATOK SA MGA KRIMINAL NGA NAMIKTIMA NA SAB ILABINA NA NGA NAGSINGABOT NA ANG PANAHON SA PASKO NGA MAOY TINGDUGOK ILABINA SA MGA MALL
Subling nagpasidaan ang kapolisan sa dakbayan sa Tagbilaran sa mga katawhan nga magbinantayon sa ilang mga kaugalingon sa ilang pagsuroy dinhi sa siyudad batok sa mga kriminal nga namiktima na sab og balik sa mga tawo.
Nagpahimangno si P/CInsp. George Vale nga magbinantayon ilabina nga nagsingabot na ang panahon sa Pasko nga maoy tingdugok sa mga mall.
Ang subling pasidaan ni Vale iyang giluwatan kini human nagsunod-sunod na ang nahitabong pagpanguot dinhi sa siyudad.
Ang biktima karong bag-o ang usa ka kawani sa COA nga gipaila nga usa ka Emerita Cemini, 54 anyos taga Poblacion, Dauis. Gikuotan ang biktima og pitaka nga adunay sulod 3 mil pesos nga salapi ug mga ID Cards samtang namalit sulod sa Shoppers Mart.
Gituohan nga taga Sugbo ug taga dinhi ra sa atong dapit ang mga mangunguot ilabina nga gituohang ania pa dinhi sa lalawigan ang kauban sa gipatay karong bag-o nga gikatahapan nga si Arnold Espinosa, taga Talisay, Cebu kinsa naila nga notadong mangunguot ug tigpanglabni didto sa dakbayan sa Sugbo.
Link back to: Live Radio Recorded Broadcast Hot Topics