Siguridad sa mga pantalan ug tugpahanan sa Bohol gipatuman
Oct 30th, 2014 by Latest News
Hipno na ang pagpangandam sa hugot nga seguridad nga ipatuman sa mga pantalan, tugpahanan ug mga terminal alang sa mga dumduong ug mogawas sa bohol aron sa paghandum sa kalag-kalag.
Matud ni Jun Arao-Arao, ang Information Officer sa Philippine Ports Authority-Tagbilaran nga subay sa ilang ‘’Oplan Biyahe Ligtas’’sugod kagahapon nagpahimutang na sila sa passengers assistance center nahimutang dapit sa passengers terminal para sa mga reklamo ug katuyuan nga ipadangat sa mga pasahero.
Gawas niini, adunay ipakatap nga mga pulis, mga tinogyanan sa ubang mga ahensiya sa gobyerno sama sa Marina, department of tourism maritime police ug Coast Guard nga magdala og K9 sniffing dog samtang operational usab ang ilang X-ray machine alang sa dugang seguridad.
Maagian na usab ang duha ka kalsada pasulod ug pagawas sa pantalan para sa kasayon pag-agi sa mga sakyanan.
Link back to: Live Radio Recorded Broadcast Hot Topics