Sangguniang Panlalawigan mipasar og resolusyon alang sa pagpatuman sa administrative cost gikan sa mga donasyon sa linog
Oct 11th, 2014 by Latest News
Giaprobahan sa mga magbabalaod sa probinsiya atol sa regular nga sesyon kagahapon ang usa ka resolusyon nagtugot nga tipakan ang trust fund gikan sa mga donasyon nga nadawat sa probinsiya para sa administrative cost sa pagpatuman sa earthquake recovery and rehabilitation programs sa lalawigan.
Ang 49,702,232 nga donasyong nadawat kuhaan og 3,248,000 alang sa administrative cost.
Ang resolusyon giduso ni Bokal Abel Damalerio samtang si Bokal Dionisio Balite lang ang nag-inusarang misupak diin gikwestyon niya para asa ang administrative cost.
Gipasabot ni Bokal Damalerio nga dili pwede nga tipakan ang 2.3 bilyones nga BEA-DILG fund maong ang mga donasyon maoy kuhaan para sa administrative cost nga ibayad sa mga pangkuhaon nga mga structural engineer, igasto sa mga tigom, komunikasyon ug uban pa.
Link back to: Live Radio Recorded Broadcast Hot Topics
