Rollback sa presyo sa produktong petrolyo gipatuman usab didnhi sa Bohol nonot sa pagpatuman niini sa kauluhan
Oct 30th, 2014 by Latest News
Ang mga kompanya sa lana sa kaulohan nagpatuman kagahapon og rollback sa ilang mga produktong petrolyo, dinhi sa dakbayan sa tagbilaran ug sa lalawigan sa Bohol, nikunhod usab ang presyo sa tag 35 sentabos matag litro sa unleaded gasoline samtang tag 20 sentabos kada litro sa diesel.
Nasayran sa DYRD Balita nga Petron sa may dan J.A. Clarin ang ilang unleaded gasoline gikan sa tag 49.35 matag litro, nahimo na karong tag 49 pesos samtang ang ilang diesel tag 41.10 kada litro gikan sa 41.30 susama usab ang presyo sa independent player nga Fil-Oil.
Ang gasoline nga silver with techron sa Caltex 49.15 pesos matag litro na lang gikan sa 49.50, ang ilang diesel gikan sa 41.30 nahimo na karong 41.10 kada litro samtang ang kerosene nagpabilin sa presyo nga 46.70 matag litro.
Ang way tatak nga stasyonan sa gasolina nga nahimutang sa dan J. A Clarin mas ubos ang presyo sa ilang gasolina ug diesel itandi sa ubang gasoline station gumikan sa ilang 2 pesos nga diskwento nga ang presyo tag 47 pesos sa unleaded gasoline ug 39.10 sa diesel.
Sa lungsod sa Ubay, ang ilang unleaded gasoline tag 50.30 kada litro, diesel tag 38.45 matag litro samtang ang kerosene tag 44.05 kada litro.
Link back to: Live Radio Recorded Broadcast Hot Topics