Provincial Health Office ug City Health Office magtagbo aron paghisgot sa pagpangandam kon simbako mosulod ang ebola virus
Oct 22nd, 2014 by Latest News
Gikatakdang mag-tagbo ang mga sakop sa Provincial Health Office ug City Health Office aron hisgutan kung unsa ang mamahimong aksyon kabahin sa pagpangandam batok sa makamatay nga sakit nga ebola virus.
Suma pa kang dr. Apollo john bernaldez nga nag-pagawas na ug kamanduan si tagbilaran city mayor john gesnell baba yap nga mo-pahigayon ug panag-hisgut ang buhatan sa panglawas tali sa mga hingtungdang ahensya kabahin sa pagpangandam batok sa nahisgutang virus.
Nasayran nga ang Department of Health Central Visayas gi-pailawom na sa Code White Alert subay na usab sa pagpangandam sa pangamhanan aron mapakgang ang pag-sulod sa delikadong ebola virus sa dinhi sa pilipinas.
Pipila na usab ka mga pribado ug pampublikong tambalanan sa rehiyon 7 ang syento por syento nang andam batok sa maong sakit diin aduna na kini mga pasilidad kun ugaling aduna may mataptan sa nahisgutang virus.
Samtang dinhi sa probinsya sa bohol usa ang Governor Celestino Gallares Memorial Hospital nga adunay igong kaandam batok sa maong balatian.
Hinoon sa gihimong pakisusi nagpabiling luwas ang lalawigan sa bohol gikan sa ebola virus.
Link back to: Live Radio Recorded Broadcast Hot Topics