Gibutyag ni Gobernador Edgar Chatto nga gitutukan karon sa pangamhanang probinsyal ang suliran sa kabahin sa mga Mental Patient o adunay deperensya sa pangisip nga way igong ikapatambal, Kini pinaagi sa pag-gama ug pasilidad alang kanila.
Ang maong pasilidad parte na usab sa proyektong pagbalhin ug dapit kabutangan sa Gov. Celestino Gallares Memorial Hospital.
Matud sa gobernador nga adunay kaugalingong balay tambalanan ang mga pasyenteng dunay deperensya sa pangisip diin aduna usab kini kaugalingong mga doktor.
Gibana-bana nga sunod tuig lauman na ang hinay-hinay nga pagbalhin sa pipila ka pasilidad sa celestino gallares memorial hospital.
Sa pagkakaron gi-angkon sa gobernador nga wa pay tambalanan dinhi sa syudad nga mo-tutok sa mga pasyente nga dunay deperensya sa pangisip.
Link back to: Live Radio Recorded Broadcast Hot Topics