Oplan kaluluwa sa kabomberuhan sa probensya gipatuman alang sa pagbantay sa kalagkalag
Oct 30th, 2014 by Latest News
Tulo ka adlaw na lang gikan karon, handumon na sa mga Pilipino ang adlaw sa mga santos ug adlaw sa mga kalag, Nob. 1 ug 2 mao nga ang kabomberohan sa lalawigan sa Bohol mopahigayon og “Oplan Kaluluwa” sa mga sam-ang sa kalungsuran sa probinsiya.
Gipasabot ni F/Sr.Insp. Manases Bautista, ang hepe sa Tagbilaran City Fire Station nga ang katuyuan sa ilang ipahigayon nga Oplan Kaluluwa aron masiguro ang kaluwasan gikan sa sunog sa mga tawo nga moduaw sa mga nagkadaiyang sam-ang.
Dinhi sa dakbayan, susihon karong Oktobre 30 sa mga tinogyanan sa kabomberohan ang mga menteryo ug sa Oktobre 31 hangtud na sa Nobyembre 3 adunay ipakatap nga mga fire truck.
Gawas niini, aduna say ibutang nga paramedics nunot sa hangyo sa Diyoses sa Tagbilaran.
Nagpahimangno usab si Bautista nga magmatngon kay dili kalikayan ang paghaling-haling sulod sa mga menteryo. Kinahanglan usab nga siguruhon nga nakatrangka ang mga panimalay, pang-ibton ang mga appliances sa dili pa mobiya sa mga balay.
Link back to: Live Radio Recorded Broadcast Hot Topics