NASILO SI MAYOR ROBERTO TABAÑERA SA MGA KATAWHAN SA CORTES NGA MIREKLAMO KABAHIN SA DUGAY NA NGA WAY AGAS SA TUBIG SA BARANGAY SAN ROQUE BISAG KANUNAY NIYANG GIPASABOT UG GIDUDAHANG NASUGNORAN SA PAMOLITIKA ANG MAONG SULIRAN
Nov 18th, 2014 by Latest News
LOKAL NGA BALITA
NOV. 18,2014
REYTUT’s
NASILO SI MAYOR ROBERTO TABAÑERA SA MGA KATAWHAN SA CORTES NGA MIREKLAMO KABAHIN SA DUGAY NA NGA WAY AGAS SA TUBIG SA BARANGAY SAN ROQUE BISAG KANUNAY NIYANG GIPASABOT UG GIDUDAHANG NASUGNORAN SA PAMOLITIKA ANG MAONG SULIRAN
Nasilo si Mayor Roberto Tabañera sa lungsod sa Cortes sa mga katawhan sa Brgy. San Roque nga mireklamo kabahin sa dugay na nga way agas sa tubig.
Gipamahayag ni MayorTabañera nga kanunay ug dugay na usab niyang gipasabot ang maong suliran apan nagmagahi gihapon sa pagsabot ang pipila ka mga tawo sa maong dapit. Ang mga tigpaminawan sa stasyon DYRD halos kada adlaw mopadangat sa ilang mga yangu-ngo pinaagi sa Txtklamo Center nga walay agas sa tubig sa nahisgutang barangay sukad pa human sa 7.2 magnitude nga linog sa niaging tuig.
Gipasabot sa mayor nga dili madali ang pagsulbad ilabina nga way pondo ang lungsod apan iyang gipaningkamotan kauban sa mga opisyalis nga matagad ang maong problema.
Ang reklamo sa mga katawhan nakapaduda ni Mayor Tabañera nga gisugnoran kini sa pamolitika.
Buot sa mayor sa Cortes nga mawagtang ang mga reklamo kabahin sa panubig ilabina nga adunay pondo para sa pagpaayo sa mga nangaguba nga sistema sa panubig nga nagkantidad og 65 milyones pesos gikan sa BEA-DILG Fund.
Link back to: Live Radio Recorded Broadcast Hot Topics
