NASAGMUYO ANG KAPOLISAN SA DAKBAYAN SA MGA GINIKANAN NGA NAGPASAGAD SA ILANG MGA ANAK MAONG NAKAHIMO SA MGA KREMIN
Nov 18th, 2014 by Latest News
LOKAL NGA BALITA
NOV. 18,2014
REYTUT’s
NASAGMUYO ANG KAPOLISAN SA DAKBAYAN SA MGA GINIKANAN NGA NAGPASAGAD SA ILANG MGA ANAK MAONG NAKAHIMO SA MGA KREMIN
Nasagmuyo ang kapolisan sa dakbayan sa mga ginikanan nga nagpasagad sa ilang mga anak maong nakahimo sa mga kremin.
Giangkon ni P/SINsp. Adriano Bacus, ang hepe sa Theft and Robbery Section sa Tagbilaran City Police Station nga hangtud karon aduna pa gihapoy mga menor de edad nga nalambigit ug nagbalik-balik sa pagbuhat sa mga salaod gumikan kay gipasagdan sa mga ginikanan ug wa usab hatagi og pagtagad sa gobyerno ang pagtukod og rehabilitation center nga mao untay kabutangan sa mga menor de edad nga gipasanginlang nakahimo og salaod.
Sa labing ulahing panghitabo sa pagpanulis dinhi sa dakbayan, usa ka langyaw nga giila nga si Eric Cottero gitulis sa tulo ka mga menor de edad nga sabog sa ginadiling drogas sa niaging dominggo sa hapon sa dan H. Grupo gikan nag-withdraw og kwarta kantidad 2 ka libo ka pesos ang biktima sa ATM.
Ang 43 anyos nga biktimang Swiss National nakuhaan sa iyang salapi ug gisamdan pa ang iyang tuo nga bukton gamit ang hiringgilya nga dunay dagom sa gikatahapan.
Matud ni Bacus nga ang ginikanan maoy ilang patubagon sa nahimong salaod sa ilang mga anak kung padayong mopasagad.
Link back to: Live Radio Recorded Broadcast Hot Topics
