NANGUNA SA MECHANICAL ENGINEER LICENSURE EXAMINATION ANG USA KA BOL-ANON NGA GRADWADO SA BISU
Oct 18th, 2014 by Latest News
Mipadangat sa ilang pahalipay ang mga magbabalaod sa probinsiya ngadto sa usa ka bol-anon nga nanguna sa sa Mechanical Engineer Licensure examination karong tuiga
Usa ka resolusyon nga giduso ni Bokal Abel Damalerio sa unang distrito ug gipasar sa hiniusang mosyon sa Sangguniang Panlalawigan atol sa regular session kagahapon mipadangat sa pahalipay kang Gremerson Idulsa Aladad, gradwado sa Bohol Island State University nga taga lungsod sa Bilar.
Nanguna si Gremerson Idulsa Aladad nga nakakuha sa average grade nga 93.80 prosyento sa 2,960 nga nakapasar ug 3,841 nga mikuha sa maong pasulit, suma sa Professional Regulatory Commission.
Link back to: Live Radio Recorded Broadcast Hot Topics