Nagsugod na sa ilang tagsa-tagsa ka mga trabaho ang mga engineer nga gi hire sa DILG aron motabang sa rehabilitasyon sa Bohol.
Oct 24th, 2014 by Latest News
Nagsugod na sa ilang trabaho kagahapon ang mga enhinyero nga gihatag sa DILG para motabang sa rehabilitasyon sa mga inprastraktura nga ayuhon ug tukoron aron ipuli sa mga nangaguba sa 7.2 magnitude nga linog nga nitay-og sa Bohol usa na ka tuig ang milabay.
Mao kini ang gibutyag ni DILG Provincial Director Louela Lucino.
Nasayran sa DYRD balita gikan sa buhatang probinsiyal sa Department Of Interior and Local Government nga 21 ka mga civil engineers gikan sa ulohang buhatan, Regional Office ug gikan dinhi sa Bohol ang motabang sa rehabilitasyon sa mga nagkadaiyang kalungsuran.
Adunay tag-usa ka civil engineers nga na-assign sa mga lungsod sa Balilihan, Maribojoc, Catigbian, San Isidro, Antequera, Loay, Loon ug Alicia, tagduha sa lungsod sa Buenavista, Inabanga ug Batuan samtang tulo ka enhinyero para sa lungsod sa Sagbayan, duha sa Clarin ug duha usab sa Trinidad nga gikan sa Central Office.
Link back to: Live Radio Recorded Broadcast Hot Topics