NAGLARAW ANG MGA OPISYAL SA PANGLAO NGA PASUOTON OG UNIPORME UG ID ANG MGA DRAYBER SA MGA PASAHERONG SAKYANAN ARON NINDOT UG LIMPYO TAN-AWON SA MGA TURISTA
Nov 19th, 2014 by Latest News
LOKAL NGA BALITA
NOV. 19,2014
REYTUT’s
NAGLARAW ANG MGA OPISYAL SA PANGLAO NGA PASUOTON OG UNIPORME UG ID ANG MGA DRAYBER SA MGA PASAHERONG SAKYANAN ARON NINDOT UG LIMPYO TAN-AWON SA MGA TURISTA
Naglaraw ang pamunuang Montero-Fuertes nga pasuoton og uniporme ug ID ang mga drayber sa mga pasaheroang sakyanan sa lungsod sa Panglao apil na ang habal-habal aron nindot ug limpyo tan-awon sa mga lokal ug langyaw nga turista.
Gipamahayag ni Bise Mayor Pedro Fuertes nga ang maong plano usa sa mga pamaagi nga madani ang mga turista sa pagbisita aron dali usab sila mailhan sa mga pasahero.
Gawas niini giplanohan usab nga gamiton ang mga habal-habal drayber sa pagtabang pagsumpo sa ginadiling drogas nga nakaingon sa mga nagkalain-laing kremin sama sa pagpanulis, pagpanglugos ug uban pa.
Gipasigarbo hinuon sa bise mayor sa Panglao nga naminosan karon ubos sa kasamtangang administrasyon ang kaso sa illegal nga drogas gumikan usab sa padayong paglig-on ug paghingusog sa kampanya dili lang sa kapolisan, mga opisyalis kondili lakip na sa mga katawhan.
Link back to: Live Radio Recorded Broadcast Hot Topics
