Nagkahiusa ang mga bol-anon sa pag-handum sa adlawng natawhan sa kanhi Presidente sa Republika ng Pilipinas nga si President Carlos P. Garcia karong adlawa nobyembre 4.
Nov 5th, 2014 by Latest News
Nagkahiusa ang mga bol-anon sa pag-handum sa adlawng natawhan sa kanhi Presidente sa Republika ng Pilipinas nga si President Carlos P. Garcia karong adlawa nobyembre 4.
Ang maong kasaulugan gihimo pinaagi sa mga nagkadaiyang programa nga gisugdan sa usa ka Wreath Lying Ceremony alas 7:30 sa buntag nga gihimo sa CPG park ning dakbayan nga gitambungan sa mga opisyales sa gobyerno.
Gisundan usab kini sa hamubo nga misa nga gihimo sa Bohol Cultural Center dungan ang pagpahigayon sa commemorative program nga gitambungan usab sa mga empleyado sa nagkadaiyang ahensya sa gobyerno ug mga opisyal gikan sa ubang kalungsuran.
Gawas sa mga lokal nga opisyal sa gobyerno anaa usab ang presensya ni Assistant Secretary sa Department of Tourism nga si Benito Bengzon, Jr nga nakig-hiusa sa nahisgutang kalihukan.
Sa nahisgutang programa gipabati usab sa publiko ang tingog ni kanhi Presidente Carlos P. Garcia pinaagi sa Dyrd atol sa pagpanumpa niini isip pangulo sa pilipinas niadtong Marso 17, 1957.
Link back to: Live Radio Recorded Broadcast Hot Topics
