NADAKPAN SA USA KA RONDA KAGAHAPON SA KAADLAWON ANG USA KA GITUOHANG TIGPAYUHOT SA GINADILING DROGA SA LUNGSOD SA LOON
Oct 15th, 2014 by Latest News
Sa sunod-sunod nga drug operation, ang kapolisan sa Loon inabagan sa 4th Regional Public Safety Manuever Company ug sa mga sakop sa Municipal Anti- Illegal Drug Special Operation Task Group nga gipanguluhan ni P/Insp. Dennis Lumor misikop sa usa ka laing gituohang tigpayuhot sa ginadiling droga pinaagi sa usa ka ronda kagahapon sa kaadlawon.
Ang gikatahapan giila nga si Allan Mascariñas, 44 anyos, minyo,taga Brgy. Moto Norte sa lungsod sa Loon.
Gironda ang panimalay sa gikatahapan pinasikad sa search warrant nga gipagawas ni Judge Leo Moises Lison sa RTC Branch 3.
Nakahipos ang kapolisan sa lima ka putos sa gidudahang shabu, duha ka lighter ug tin foil atol sa maong ronda.
Gibana-bana usab nga motimbang sa 0.15 ka gramo ang nasakmit sa kapolisan samtang 1,700 ang bana-bana nga kantidad.
Giandam na ang sumbong nga ipasaka batok sa gikatahapan samtang sa kasamtangan gibalhog sa Loon PNP ang gikatahapang si Mascariñas.
Link back to: Live Radio Recorded Broadcast Hot Topics
