NA-APROBAHAN NA SA BUHATAN SA DILG ANG 14 KA MGA KOMPLETONG PROGRAMS OF WORK AND ESTIMATES SA KAPIN USA KA LIBO KA PROYEKTO SA REHABILITASYON SA BOHOL
Oct 18th, 2014 by Latest News
Gibutyag ni DILG Provincial Director Louela Lucino nga na-aprobahan na sa ilang buhatan ang 14 ka mga kompletong Programs Of Works and Estimates sa 1,066 ka mga proyekto sa rehabilitasyon sa lalawigan sa Bohol nga naguba sa magnitude 7.2 nga linog nga miigo dinhi sa niaging Oktobre 15, sumad niadtong milabayng mierkules.
Suma pa kang Lucino nga na-aprobahan na ang mga programs of works and estimates sa mga lungsod sa Valencia, Dauis, Duero, Buenavista, Tubigon ug Panglao apan iyang gitin-aw nga dili tanang programs of works sa nahisgutang mga lungsod na-aprobahan.
Sa 2.3 bilyones pesos nga BEA-DILG fund, sa 48 ka lungsod 5 lang ang wa moduso sa ilang proposed project ug damage assessment kay matud pa way kadaot nga naangkon. Mao kining mga lungsod sa Bilar, Getafe, Anda, Bien Unido ug President Carlos P. Garcia.
Miabot na sab sa 384 ka mga POWE’s ang naduso na sa mga kalungsuran ug ipaubos kini sa pag-rebyu sa Provincial Project Management Team nga naglangkub sa tulo ka ahensiya sa gobyerno ang Department of Public Works and Highways, Department of Interior and Local Government Unit ug ang Bohol Provincial Engineering Office.
Kung mahuman na og rebyu sa PPMT, iduso kini ngadto sa gobernador nga maoy mo-aprobar dayon ipasa kini niya ngadto sa Provincial Treasurers Office para ma-isyuhan og certificate of availability of funds.
Link back to: Live Radio Recorded Broadcast Hot Topics