MIPADAYAG OG PAGSUPORTA SI KONGRESISTA ARIS AUMENTADO SA LAKANG SA MGA MAGBABALAOD NGA PASAKAAN ANG SWELDO SA MGA MAMUMUO SA GOBYERNO GUMIKAN SA TAAS NA ANG PRESYO SA MGA PALALITON
Nov 20th, 2014 by Latest News
LOKAL NGA BALITA
NOV. 20, 2014
REYTUT’s
MIPADAYAG OG PAGSUPORTA SI KONGRESISTA ARIS AUMENTADO SA LAKANG SA MGA MAGBABALAOD NGA PASAKAAN ANG SWELDO SA MGA MAMUMUO SA GOBYERNO GUMIKAN SA TAAS NA ANG PRESYO SA MGA PALALITON
Mosuporta si Kongresista Aris Aumentado sa ikaduhang distrito sa Bohol sa lakang sa mga magbabalaod nga umentohan ang minimum wage sa mga mamumuo sa gobyerno gikan sa 9 mil pesos ngadto na sa 16 mil pesos matag bulan.
Matud ni kongresista Aumentado nga dili siya magmakuli pagsuporta kung iduso sa kongreso ang maong laraw ug dili usab siya maagduha-duha sa pagsponsor niini. Tungod kay nagkaanam usab og kamahal ang presyo sa mga palaliton ilabina ang basic commodities ug maglisud na ang mga empleyado sa pagsuporta sa ilang pamilya ilabina kung adunay daghang anak nga nagtungha sa kolehiyo maong nadasig siya sa pagpaluyo sa maong lakang.
Matud sa kongresista nga dili usab makapanerbisyo og maayo ang mga kawani kung permi wala sa trabaho ang huna-huna tungod sa kakuwang sa ilang income.
Link back to: Live Radio Recorded Broadcast Hot Topics
