Mga senior nagsaulog sa Senior Citizens Week, Mihangyo sa mga hingtongdan nga sundon ang R.A. 9994
Oct 11th, 2014 by Latest News
Subay sa kasaulugan sa Senior Citizens Week karon semanaha, nag-awhag usab ang mga myembro sa moang grupo ngadto sa tanang hingtungdan nga mo-sunod sa gipatumang balaud nga mao ang R.A 9994 Expanded Senior Citizens Act labot sa paghatag kanila sa mga prebilihiyo ug diskwento.
Kini maoy gi-butyag ni melchor Daniel presidente sa Bohol Federation of Senior Citizens Associations human sa pipila ka mga reklamo nga nahipos gikan sa ubang myembro niini nga wa kahatagi sa mga pribilihiyo nga ilang angayang madawat subay sa balaud isip mga senior citizens.
Tungod niini gibutyag ni Daniel nga mihimo karon sila ug lakang inubanan sa tabang sa lokal nga pangamhanan aron ipatawag kadtong mga nag-negosyo nga wa gihapon mihatag ug diskwento sa mga katigulangan.
Tumong sa pagpatawag niini aron ipasabot kanila kung unsa ang nasubay sa balaud nga kinahanglang sundon aron nga dili usab mapahamtangan ug igong silot.
Lakip sa gitumbok niini kadtong mga pampublikong sakyanan nga di mohatag ug diskwento sa pamasahe sa mga senior citizenz.
Gawas niini nasayran nga silang mga senior citizens adunay diskwento usab sa mga nag-unang palaliton nga anaa sa lima ka porsyento maingon man dikwento sa konsumo sa tubig ug kuryente nga lima gihapon ka porsyento.
Karong tuiga adunay tema ang kasaulugan sa mga senior citizens nga mao ang nakakatanda ay yaman, katuwang sa pag-unlad ng bayan, pangalagaan kanilang kapakanan ug gikinahanglan mahatagan gayod sila ug igong pag-tagad.
Link back to: Live Radio Recorded Broadcast Hot Topics
