MAYOR BABA YAP NAGPLANO SA PAGTUKOD UG TULONGHAAN ALANG SA PROGRAMA SA DEPED NGA ABOT ALAM
Oct 16th, 2014 by Latest News
Mipadayag sa iyang tibuok suporta si Mayor John Geesneel Yap ngadto sa mga magtutudlo dinhi sa siyudad sa mga programa sa Departamento sa Edukasyon sama sa Abot Alam nga gilusad sa milabayng adlaw gipangunahan ni City Schools Division Superintendent Evangel Luminarias.
Nasayran sa DYRD Balita nga nagplano karon ang mayor nga magtukod og tulunghaan para sa mga kabataan nga wa mo-eskwela kon mga Out of School Youth.
Atol sa paglusad, gitaho sa mayor nga sa sunod tuig mo-usbaw na og 5 milyones pesos ang Special Education Fund sa dakbayan gikan sa 25 milyones pesos.
Ang edukasyon usa sa mga prayoridad sa mayor sanglit nagatuo siya nga ang kabataan maoy paglaum sa nasud maong gikalipay sa mga magtutudlo ang pahibaw sa pinakadakong opisyal sa siyudad.
Link back to: Live Radio Recorded Broadcast Hot Topics
