Mayor Baba Yap mimando sa pagsuse sa mga boarding house ug internetan sa syudad
Nov 8th, 2014 by Latest News
Daghang mga boarding house dinhi sa dakbayan nga way permit sa mayor sa ilang mga patigayon.
Gibutyag ni City Administrator Leonides Borja nga daghang mga balay sa siyudad diin ang uban niini gigamang boarding house kon balay nga paabangan ug miabot lang sa 117 ang adunay permit.
Ang maong problema nahisgutan sa gipatawag nga tigum ni mayor John Gesneel Baba Yap II sa niaging mierkules nga gitambungan sa nagkadaiyang ahensiya sa kagamhanan sama sa Bureau of fire Protection, Dep-Ed ug City permit and Licensing Office.
Ang mayor nimando sa Office of the Building Officials sa pagsusi nunot sa taho nga daghang mga boarding house nga way permit, nakalapas sa balaod sa paglikay sa sunog ug gituohang gihimong drug den kon suyopanan ug tunolanan og shabu.
Ang maong mando giluwatan sa mayor subay sa hangyo sa mga eskwelahan nga ipasusi ang mga balay paabangan sa mga tinun-an ingon man sa mga mamumuo.
Gidasig sa mayor ang mga katawhan ug uban pang tinogyanan sa balaod lakip na ang anaa sa sektor sa edukasyon sa pagtaho sa mga nahimutangan sa boarding house aron mahatagan dayon og pagtagad ang mga reklamo.
Link back to: Live Radio Recorded Broadcast Hot Topics
